തിരുവനന്തപുരം : രണ്ടാം ഡോസ് വാക്സിന് സ്വീകരിച്ച് ഒമ്പത് മാസത്തിനുശേഷം കരുതല് ഡോസിന് അര്ഹരായവര് മൂന്നാമത്തെ വാക്സിനും സ്വീകരിക്കണമെന്ന് ആരോഗ്യമന്ത്രി വീണാ ജോര്ജ് പറഞ്ഞു. ഒരു ഡോസ് മാത്രമെടുത്തവരെ പൂര്ണ വാക്സിനേഷനായി കണക്കാക്കില്ല. വാക്സിനേഷന് എടുത്തവരില് രോഗം ഗുരുതരമാകാനുള്ള സാധ്യത കുറവാണ്. ആദ്യ ഡോസ് എടുക്കുന്നതിലൂടെ ശരീരം കോവിഡിനെതിരെയുള്ള പ്രതിരോധത്തിന് തുടക്കമിടുകയും ഭാഗിക പരിരക്ഷ ലഭ്യമാവുകയും ചെയ്യും. രണ്ടാമത്തെ ഡോസ് രോഗം പ്രതിരോധിക്കാനുള്ള ശേഷി ഗണ്യമായി വര്ധിക്കാന് സഹായിക്കുന്നു. രണ്ടാമത്തെ ഡോസ് സ്വീകരിച്ചുകഴിഞ്ഞ് രണ്ടാഴ്ച കഴിയുന്നതോടെയാണ് ശരീരം പൂര്ണമായി പ്രതിരോധശേഷി ആര്ജിക്കുന്നത്. എല്ലാവരും എന് 95 മാസ്കോ ഡബിള് മാസ്കോ ധരിക്കുകയും കോവിഡ് മാര്ഗനിര്ദേശങ്ങള് പാലിക്കുകയും വേണം. കൊവിഷീല്ഡിനെ പോലെ ഫലപ്രദവും സുരക്ഷിതവും ആണ് കോവാക്സിനും. ഇനിയും വാക്സിനെടുക്കാത്തവര് എത്രയും വേഗം വാക്സിന് സ്വീകരിക്കണമെന്ന് മന്ത്രി അഭ്യര്ത്ഥിച്ചു.
