കോട്ടയം : സ്കൂളിലേയ്ക്ക് പോയ 14 വയസ്സുകാരിയെ വഴിയില് തടഞ്ഞുനിര്ത്തി പീഡിപ്പിച്ച കേസിലെ പ്രതി അറസ്റ്റില്.
വെള്ളൂര് കാരയ്ക്കാമറ്റം പറമ്പില് ഓമനകുട്ടന് (52) ആണ് പിടിയിലായത്. അനുജനൊപ്പം സ്കൂളിലേക്ക് നടന്നു പോയ പെണ്കുട്ടിയെ ഇടവഴിയില് വച്ച് കടന്നുപിടിക്കുകയും ലൈംഗികമായി പീഡിപ്പിക്കുകയുമായിരുന്നു. കഴിഞ്ഞ ദിവസം രാവിലെയാണ് സംഭവം നടന്നത്. വൈകിട്ട് വീട്ടിലെത്തിയ കുട്ടി വിവരം പറഞ്ഞതിനെതുടര്ന്ന് വീട്ടുകാര് പോലീസില് പരാതി നല്ക്കുകയായിരുന്നു. സി.ഐ യു.ശ്രീജിത്തിന്റെ നേതൃത്വത്തില് നടത്തിയ അന്വേഷണത്തിലാണ് ഇയാളെ പിടികൂടിയത്. കോട്ടയം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് ഹാജരാക്കിയ പ്രതിയെ 14 ദിവസത്തേയ്ക്ക് റിമാന്ഡ് ചെയ്തു.
