ചെറുവത്തൂര് : വീരമലക്കുന്ന് ടൂറിസം പദ്ധതി പ്രദേശം എം. രാജഗോപാലന് എം.എല്.എ, കലക്ടര് ഭണ്ഡാരി സ്വാഗത് രണ്വീര് ചന്ദ് എന്നിവരുടെ നേതൃത്വത്തിലുള്ള സംഘം സന്ദര്ശിച്ചു. ജില്ലയുടെ ചരിത്രവും കലയും സംസ്കാരവും ഒരു കുടക്കീഴില് കോര്ത്തിണക്കിയുള്ള ടൂറിസം പദ്ധതിയാണ് വീരമലയില് വിഭാവനം ചെയ്യുന്നത്. പ്രോജക്ട് റിപ്പോര്ട്ട് തയാറാക്കി സ്ഥലം നേരില് കണ്ട് വിലയിരുത്താനാണ് ഇവര് വന്നത്.
പഞ്ചായത്ത് പ്രസിഡന്റ് സി.വി. പ്രമീള, വൈസ് പ്രസിഡന്റ് പി.വി. രാഘവന്, ആര്ക്കിടെക്ട് മധുകുമാര്, ടൂറിസം, റവന്യൂ വകുപ്പ് ഉദ്യോഗസ്ഥര് എന്നിവരും ഒപ്പമുണ്ടായിരുന്നു. വനംവകുപ്പിന്റെയും റവന്യൂ വകുപ്പിന്റെയും കൈവശമാണ് നിര്ദിഷ്ട സ്ഥലം. വനം വകുപ്പിന് കീഴിലുള്ള സ്ഥലത്ത് ഇക്കോ ടൂറിസം നടപ്പാക്കും.
