തമിഴ്നാട് : ഓണത്തിന്റെ വരവറിയിച്ചതോടെ തമിഴ്നാട്ടിലെ പച്ചക്കറികള്ക്ക് വില കുത്തനെ ഉയര്ന്നു. കേരത്തിലേക്ക് കുടുതല് പച്ചക്കറികളും എത്തുന്നത് തമിഴ്നാട്ടിലെ തേവാരം, ചിന്നമന്നൂർ, കമ്പം, തെനി, ശീലയംപെട്ടി എന്നിവിടങ്ങളില് നിന്നാണ്. ഓണത്തിന് ആവശ്യക്കാർ കൂടിയതോടെ പച്ചക്കറികൾക്ക് വില ഉയര്ന്നത്.
ഇത്തവണ കാലവര്ഷം നല്ല രീതില് ലഭിക്കുകയും മുല്ലപ്പെരിയാറിൽ നിന്നുളള വെള്ളവും കിട്ടിയതോടെ പച്ചക്കറികളെല്ലാംതന്നെ നൂറു മേനി വിളഞ്ഞിട്ടുണ്ട്. വിലകുറഞ്ഞു നിന്ന പച്ചക്കറിക്ക് ഓണമെടുത്തതോടെ വില ഉയർന്നു. ഇടനിലക്കാർ വില കുത്തനെ ഉയർത്തിയില്ലെങ്കിൽ എല്ലാ വർഷത്തെയും പോലെ പച്ചക്കറിക്ക് ഇത്തവണ തീവില നൽകേണ്ടി വരില്ലെന്നാണ് തമിഴ്നാട്ടിൽ നിന്നും ലഭിക്കുന്ന സൂചനകൾ. മുൻകൂട്ടി കണ്ട് വിപണിയിൽ സർക്കാർ ഇടപെട്ടാൽ ന്യായവിലക്ക് പച്ചക്കറികള് എത്തിക്കാനാകും.
