പ്രകൃതിദത്തവും ഹെർബലുമായ ചർമ്മസംരക്ഷണ ഉൽപ്പന്നങ്ങൾ വിപണി ഭരിക്കുന്നു, കാരണം നമ്മളിൽ മിക്കവരും നമ്മുടെ ചർമ്മത്തിന്റെ കാര്യത്തിൽ സുരക്ഷിതമായി സംരക്ഷിക്കാൻ ആഗ്രഹിക്കുന്നു. എന്നാൽ വിലകൂടിയ ഹെർബൽ, ഓർഗാനിക് സ്കിൻ കെയർ ഉൽപ്പന്നങ്ങളിൽ നിങ്ങൾ പണം നിക്ഷേപിക്കുന്നത് എന്തിനാണ്, അവയിൽ ഉപയോഗിക്കുന്ന ചേരുവകൾ നിങ്ങളുടെ വീട്ടുമുറ്റത്തോ ടെറസ് ഗാർഡനിലോ എളുപ്പത്തിൽ വളർത്താൻ കഴിയുന്നത് തന്നെയാണ്. നിങ്ങൾക്ക് സ്വാഭാവികമായും ആരോഗ്യകരവും തിളക്കമുള്ളതാക്കുന്നതുമായ ചർമ്മം നൽകുന്ന അഞ്ച് വീട്ടിൽ വളർത്തുന്ന സസ്യങ്ങൾ ഇതാ. പുതിനയിലയിടങ്ങിയിരിക്കുന്ന സാലിസിലിക് ആസിഡ് മുഖക്കുരുവിനെ അകറ്റി നിർത്താനും വീക്കവും പ്രകോപിതവുമായ ചർമ്മത്തെ ശമിപ്പിക്കാനും സഹായിക്കുന്നു. നല്ല ഫ്രഷ് ആയ പുതിനയിലകൾ പേസ്റ്റ് ആക്കി വെള്ളരിക്കാ നീരും തേനും ചേർത്ത് ഇളക്കുക. ഇത് മുഖത്ത് പുരട്ടുക, 15 മിനിറ്റ് കാത്തിരിക്കുക, തുടർന്ന് തണുത്ത വെള്ളത്തിൽ കഴുകുക. നിങ്ങളുടെ പുതിന ചെടി പതിവായി നനയ്ക്കുക. എന്നാല് നിങ്ങൾക്ക് ആവശ്യത്തിന് പുതിനയിലകൾ ലഭിക്കും.
കറ്റാർ വാഴ
കറ്റാർ വാഴയാണ് ഏറ്റവും പ്രചാരമുള്ള ചർമ്മ സൗഹൃദ സസ്യം. ഇത് ചർമ്മത്തെ പ്രായമാകുന്നതില്നിന്ന് തടയുന്ന വിറ്റാമിനുകളും ധാതുക്കളും കൊണ്ട് നിറഞ്ഞിരിക്കുന്നു കൂടാതെ പുതിയ ചർമ്മകോശങ്ങൾ ഉണ്ടാക്കാൻ സഹായിക്കുന്നു. നിങ്ങൾക്ക് ഫ്രഷ് കറ്റാർ ജെൽ എടുത്ത് മോയ്സ്ചറൈസറായി മുഖത്ത് പുരട്ടാം. ചെടിക്ക് ആവശ്യത്തിന് സൂര്യപ്രകാശം ലഭിക്കുന്നുണ്ടെന്ന് ഉറപ്പുവരുത്തുകയും ആഴ്ചയിൽ ഒരിക്കലെങ്കിലും നനയ്ക്കുകയും ചെയ്യുക.
കറിവേപ്പില
ആന്റിഓക്സിഡന്റുകൾ, വിറ്റാമിനുകൾ, ആന്റി-മൈക്രോബയൽ പ്രോപ്പർട്ടികൾ എന്നിവയാൽ നിറഞ്ഞിരിക്കുന്ന കറിവേപ്പില മുഖക്കുരു, പൊട്ടൽ എന്നിവ കുറയ്ക്കാൻ സഹായിക്കുന്നു. നിങ്ങളുടെ ചർമ്മത്തിന് തിളക്കവും മിനുക്കവും നൽകുന്നു. കറിവേപ്പില പേസ്റ്റ് തേനും, മുള്ട്ടാണി മിട്ടിയും മിക്സ് ചെയ്യുക. ഇത് നിങ്ങളുടെ മുഖത്ത് പുരട്ടുക. 20 മിനിറ്റ് കാത്തിരുന്ന് വെള്ളത്തിൽ കഴുകുക. നിങ്ങളുടെ കറിവേപ്പില ചെടി അമിതമായി നനയ്ക്കുന്നത് ഒഴിവാക്കുക. വേനൽക്കാലത്ത് രണ്ടോ മൂന്നോ ദിവസത്തിലൊരിക്കലും ശരത്കാലത്തിൽ ആഴ്ചതോറും നനയ്ക്കുക.
ലാവെൻഡർ
ആന്റിസെപ്റ്റിക്, ആൻറി-ഇൻഫ്ലമേറ്ററി ഗുണങ്ങളാൽ നിറഞ്ഞ ലാവെൻഡർ നിങ്ങളുടെ ചർമ്മത്തെ സുഖപ്പെടുത്തുകയും വരൾച്ച, ചൊറിച്ചിൽ, വീക്കം എന്നിവ തടയുകയും ചെയ്യുന്നു. രക്തചംക്രമണം മെച്ചപ്പെടുത്തുന്നതിനും ചർമ്മത്തിന് വിശ്രമം നൽകുന്നതിനും ഇത് സഹായിക്കുന്നു. നിങ്ങളുടെ ചർമ്മത്തിന് ടോണർ, മോയ്സ്ചറൈസറുകൾ എന്നിവയിൽ ഉണങ്ങിയതോ പുതിയതോ ആയ ലാവെൻഡർ ചേർക്കാം. ലാവെൻഡർ അധിക ഈർപ്പത്തോട് സംവേദനക്ഷമതയുള്ളതിനാൽ നിങ്ങളുടെ ലാവെൻഡർ ചെടിയുടെ ഇലകൾ വെട്ടിമാറ്റുക, ആവശ്യത്തിന് വായു സഞ്ചാരവും നല്ല ഡ്രെയിനേജും ഉണ്ടെന്ന് ഉറപ്പാക്കുക.
