മണ്ണഞ്ചേരി : വീടിനോട് ചേര്ന്ന ഷെഡില് പാര്ക്ക് ചെയ്തിരുന്ന രണ്ട് വാഹനം കത്തിനശിച്ചു. മണ്ണഞ്ചേരി പഞ്ചായത്ത് ഒമ്പതാം വാര്ഡ് അയ്യന്കുളങ്ങരയില് താമസിക്കുന്ന ബിജുമോന്റെ വാഹനങ്ങളാണ് കത്തിനശിച്ചത്. ഐഷര് ട്രാവലറും മാരുതി സുസുക്കി വാഗണ് ആര് കാറിനുമാണ് തീപിടിച്ചത്. അഗ്നിരക്ഷാസേന കൃത്യസമയത്ത് എത്തിച്ചേര്ന്നാല് വീട് സംരക്ഷിക്കാന് സാധിച്ചു.
വീടിന് മുന്നിലെ ഷെഡില് പാര്ക്ക് ചെയ്ത വാഹനങ്ങളില് നിന്നും പുക ഉയരുന്നത് കണ്ട നാട്ടുകാർ ഓടികൂടിയെങ്കിലും തീ അണയ്ക്കാന് സാധിച്ചില്ല. ഏറെ നേരത്തെ പരിശ്രമത്തിനൊടുവിലാണ് അഗ്നിരക്ഷാസേനക്ക് തീ അണക്കാന് സാധിച്ചത്. തീപിടുത്തത്തില് എട്ട് ലക്ഷത്തിനുമേല് നഷ്ടം വന്നതായി ബിജു പറയുന്നു. പകല് ആയതിനാലാണ് വന് ദുരന്തം ഒഴിവായതെന്ന് അഗ്നിശമനസേന പറയുന്നു.
