പത്തനംതിട്ട : നഗരമധ്യത്തിലെ നടപ്പാതയിലെ വാഹന പാര്ക്കിങ് കാല്നടയാത്രികര്ക്ക് ഏറെ ബുദ്ധിമുട്ടുണ്ടാക്കുന്നതായി പരാതി.
റോഡിലേക്ക് ഇറങ്ങി നടക്കേണ്ടി വരുന്നത് അപകട ഭീഷണിയാണ്. വാഹനത്തിരക്കുള്ളപ്പോള് റോഡിലൂടെ നടക്കുന്നത് പത്തനംതിട്ട ടൗണില് ഗതാഗതക്കുരുക്കിന് കാരണമാകുന്നു.
മസ്ജിദ് ജങ്ഷന് മുതല് സെന്ട്രല് ജങ്ഷന്വരെ നടന്നുപോകാന് കഴിയാത്ത തരത്തില് വാഹനങ്ങള് നിര്ത്തിയിടുന്നു. സഞ്ചാര ക്ലേശമുണ്ടാക്കുന്ന പാര്ക്കിങ്ങിന് പരിഹാരം കാണാന് അധികാരികള് തയ്യാറാകണമെന്ന് നഗരസഭാ പ്രതിപക്ഷ നേതാവ് കെ. ജാസിംകുട്ടി അവശ്യപ്പെട്ടു.
