പത്തനംതിട്ട : അനധികൃതമായി മെറ്റൽ കയറ്റിവന്ന ടോറസ് ലോറി പോലീസ് പിടികൂടി. മല്ലപ്പള്ളി സി എം എസ് ഹൈ സ്കൂളിന് സമീപം കഴിഞ്ഞദിവസം രാവിലെ 4.30 നാണ് കീഴ്വായ്പ്പൂർ പോലീസ് നൈറ്റ് പട്രോളിങ് സംഘം പിടികൂടിയത്. എസ് ഐ സുരേന്ദ്രന്റെ നേതൃത്വത്തിലുള്ള പോലീസ് സംഘത്തിൽ എസ് സി പി ഓ സജി ഇസ്മായിലും ഉണ്ടായിരുന്നു. ജില്ലാ പോലീസ് മേധാവി സ്വപ്നിൽ മധുകർ മഹാജൻ ഐപിഎസിന്റെ നിർദേശ പ്രകാരം അനധികൃത കടത്തിനെതിരെ പോലീസ് നടപടി ശക്തമാക്കിയതിനെ തുടർന്നാണ് നടപടി. അനധികൃത മെറ്റലാണ് പിടിച്ചെടുത്തത്. സ്റ്റേഷനിൽ എത്തിച്ച വാഹനം ജിയോളജി വകുപ്പ് ഓഫീസിൽ ഉടമ 53000 രൂപ പിഴയടപ്പിച്ചതിന്റെ രസീത് ഹാജരാക്കിയതിനെതുടർന്ന് വിട്ടുകൊടുത്തു. ഇത്തരം അനധികൃത കടത്തുകൾ തടയുന്നതിനുള്ള പോലീസ് നടപടി തുടരുമെന്ന് ജില്ലാ പോലീസ് മേധാവി അറിയിച്ചു.
