കൊട്ടാരക്കര : എം.സി റോഡില് വാളകം പോലീസ് എയ്ഡ് പോസ്റ്റിന് സമീപം തീപിടിത്തത്തില് വാഹനങ്ങള് കത്തിനശിച്ചു. കഴിഞ്ഞദിവസം വൈകീട്ട് മൂന്നോടെയാണ് തീപിടിത്തമുണ്ടായത്. എം.സി റോഡില് അപകടത്തില്പെടുന്ന വാഹനങ്ങള് വാളകം പോലീസ് എയ്ഡ് പോസ്റ്റിന് സമീപമാണ് കൂട്ടിയിടുന്നത്. ഈ വാഹനങ്ങള്ക്കാണ് തീപിടിച്ചത്. പതിനഞ്ചോളം വാഹനങ്ങള് പൂര്ണമായും കത്തി നശിച്ചു. 12 വര്ഷത്തിലധികമായി കിടക്കുന്ന വാഹനങ്ങളും ഇതിലുണ്ട്. തീപിടിത്തത്തിന്റെ കാരണം വ്യക്തമല്ല. കൊട്ടാരക്കര, പുനലൂര്, പത്തനാപുരം എന്നിവിടങ്ങളിലായി മൂന്ന് അഗ്നിരക്ഷാസേന യൂനിറ്റുകള് എത്തിയാണ് തീ പൂര്ണമായും അണച്ചത്.
നിരവധി റിക്കവറി വാഹനങ്ങള് പാര്ക്ക് ചെയ്യുന്ന സ്ഥലത്തിന് സമീപമാണ് തീപിടിച്ചത്. തീപിടിക്കുന്ന സമയത്ത് റിക്കവറി വാഹനങ്ങള് ഒന്നുമില്ലാതിരുന്നതിനാല് വന് അപകടം ഒഴിവായി. എം.സി റോഡില് ഒരു മണിക്കൂറോളം ഗതാഗതസ്തംഭനം ഉണ്ടായി. കൊട്ടാരക്കരയില് നിന്ന് പോലീസെത്തി ഗതാഗതം നിയന്ത്രിച്ചു. കൊട്ടാരക്കര പോലീസ് കേസെടുത്തു.