പരിശോധന വൈകുന്നു ; വാളയാര്‍ ചെക്ക്‌പോസ്റ്റില്‍ വാഹനങ്ങള്‍ കുടുങ്ങി

വാളയാര്‍ : വാളയാര്‍ ചെക്പോസ്റ്റില്‍ വാഹനങ്ങളുടെ നീണ്ട നിര. അതിര്‍ത്തി കടന്ന് തമിഴ്‍നാട്ടില്‍ പോകേണ്ട വാഹനങ്ങളാണ് കുടുങ്ങിക്കിടക്കുന്നത്. തമിഴ്‍നാടിന്റെ പരിശോധന വൈകുന്നതാണ് കാരണം. അതേസമയം മറ്റ് സംസ്ഥാനങ്ങളിലേക്ക് മടങ്ങേണ്ടവരെ ഒരാഴ്ചയ്ക്കുള്ളിൽ തിരിച്ചയയ്‍ക്കുമെന്ന് തമിഴ്നാട് മുഖ്യമന്ത്രി  അറിയിച്ചു. ഇതിനായി തമിഴ്‍നാട് സർക്കാരിന്റെ  പാസ് നിർബന്ധമാക്കി. വെബ്‍സൈറ്റിലെ സാങ്കേതിക തകരാർ പരിഹരിച്ചതായും അപേക്ഷിക്കുന്നവര്‍ക്ക് ഡിജിറ്റല്‍ പാസ് നല്‍കുമെന്നും തമിഴ്‍നാട് സര്‍ക്കാര്‍ അറിയിച്ചിട്ടുണ്ട്. മറ്റ് സംസ്ഥാനങ്ങൾ യാത്രാപാസ് നിഷേധിച്ചതോടെ നിരവധി പേരാണ് തുടര്‍ച്ചയായ രണ്ടാം ദിവസവും മണിക്കൂറുകളോളം ചെക്പോസ്റ്റില്‍ കുടുങ്ങിയത്.