പത്തനംതിട്ട : പുരോഗമന കലാസാഹിത്യ സംഘം ആലപ്പുഴ ജില്ലാ കമ്മിറ്റി പ്രസിദ്ധീകരിച്ച വെണ്മണി സദാശിവന്റെ “അർത്ഥ വസന്തങ്ങൾ ” എന്ന കവിത സമാഹാരത്തിന്റെ പ്രകാശനം സാംസ്കാരിക യുവജന ക്ഷേമ ഫിഷറീസ് വകുപ്പ് മന്ത്രി സജി ചെറിയാൻ നിർവഹിച്ചു. കെഎസ്എസ്പിയു സംസ്ഥാന പ്രസിഡന്റ് സദാശിവൻ നായർ ആദ്യ പ്രതി ഏറ്റു വാങ്ങി. പു ക സ ചെങ്ങന്നൂർ ഏരിയ കമ്മിറ്റിയുടെ നേതൃത്വത്തിൽ വെൺമണി സെഹിയോൻ മാർത്തോമാ പാരിഷ് ഹാളിൽ നടന്ന പരിപാടിയിൽ പു ക സ ഏരിയ പ്രസിഡന്റ് ജി വിവേക് അധ്യക്ഷത വഹിച്ചു. ജില്ലാ പ്രസിഡന്റ് ഡോ. ബിച്ചു എക്സ് മലയിൽ വെൺമണി സദാശിവന്റെ കവിതകൾ അടങ്ങിയ ആൽബം ഗ്രാമപഞ്ചായത്ത് പ്രസിഡന്റ് സുനിമോൾക്ക് നൽകി പ്രകാശിപ്പിച്ചു.
ജില്ലാ സെക്രട്ടറി വിശ്വൻ പടനിലം പ്രസാധക പ്രഭാഷണം നിർവഹിച്ചു. എം.കെ ഹരിക്കുട്ടൻ നായർ പുസ്തക പരിചയം നടത്തി. കവി വെണ്മണി സദാശിവനെയും കവിതകളുടെ സംഗീത സംവിധായകൻ വെൺമണി പ്രകാശിനെയും മന്ത്രി പൊന്നാടയണിയിച്ച് ആദരിച്ചു. സംസ്ഥാന സ്കൂൾ യുവജനോത്സവത്തിൽ ലളിത ഗാനത്തിൽ A ഗ്രേഡ് ലഭിച്ച മാസ്റ്റർ അശ്വിൻ പ്രകാശിനെ പു ക സ ചെങ്ങന്നൂർ ഏരിയ കമ്മിറ്റിയുടെ ഉപഹാരം വേദിയിൽ വെച്ച് മന്ത്രി നൽകി.
