കൊച്ചി : യുവനടിയെ ബലാത്സംഗം ചെയ്തെന്ന കേസില് നടനും നിര്മാതാവുമായ വിജയ് ബാബുവിന് മുന്കൂര് ജാമ്യം അനുവദിച്ചതില് പ്രതികരണവുമായി വിമണ് ഇന് സിനിമാ കലക്ടീവ്. നടി വിജയ് ബാബുവിനെതിരെ പരാതിപ്പെട്ടപ്പോള് വിദേശത്തേക്ക് മാറി നില്ക്കുകയൂം അതിജീവിതയുടെ പേര് വെളിപ്പെടുത്തുകയുമാണ് അയാള് ചെയ്തത്. പരാതിക്കാരിയെ വിളിച്ച് സ്വാധീനിക്കാനും ശ്രമമുണ്ടായി. പരാതിപ്പെടുന്ന അതിജീവിതകളെ നിശ്ശബ്ദമാക്കാന് കുറ്റാരോപിതര് ഉപയോഗിക്കുന്ന പാറ്റേണ് ആണ് ഇവിടെ തിരിച്ചറിയേണ്ടത് എന്ന് ഡബ്ല്യുസിസി പറയുന്നു. അതിജീവിതക്ക് അവളുടെ മുന്നിലെ തടസ്സങ്ങള് എല്ലാം നേരിട്ടു കൊണ്ട് സത്യം തെളിയിക്കുക എന്നത് ആ കുറ്റകൃത്യം പോലെ തന്നെ ഭീകരമാണ്.
