കൊല്ലം : തൃക്കുഴിയൂര് സുബ്രഹ്മണ്യസ്വാമിക്ഷേത്രത്തില് വിലങ്ങറ കാവടിയാട്ടത്തിന്റെ ഭാഗമായി നടത്തുന്ന അഗ്നിക്കാവടിക്കുള്ള പ്ലാവിന്വിറക് സമാഹരണം തുടങ്ങി.വിറകിനായി നിശ്ചയിച്ച പ്ലാവില് വ്രതമനുഷ്ഠിക്കുന്ന സ്വാമിമാര് പട്ടും പൂമാലയും ചാര്ത്തി. കനലൊരുക്കുന്നതിനുവേണ്ടി 15 ടണ് പ്ലാവിന്വിറകാണ് സമാഹരിക്കുന്നത്.ദേവസ്വം ഭാരവാഹികളായ സി.അനില്കുമാര്, ജി.സോമന് പിള്ള, ബി.രാജേന്ദ്രന് പിള്ള, ബി.ഉണ്ണിക്കൃഷ്ണന് എന്നിവരും പ്ലാവ് വഴിപാടായി സമര്പ്പിച്ച ശ്രീധരന് കുന്നത്ത് തുടങ്ങിയവരും ചടങ്ങിന് നേതൃത്വം നല്കി. വിവിധയിടങ്ങളില്നിന്ന് ഇരുപതോളം പ്ലാവുകള് വിറകിനായി മുറിക്കും. ഭക്തര് വഴിപാടായാണ് മരങ്ങള് നല്കുന്നത്.
