കോന്നി : തോട്ടം തൊഴിളികള്‍ക്ക് വേണ്ടി ജീവിതം സമര്‍പ്പിക്കുകയും തൊഴിലാളികള്‍ക്ക് വേണ്ടി പ്രവര്‍ത്തിക്കുകയും ചെയ്ത ചെയ്ത ആളായിരുന്നു കുഞ്ഞമ്മാവന്‍ എന്ന് അറിയപ്പെട്ടിരുന്ന വിലങ്ങുപാറ സുകുമാരനെന്ന് ചെങ്ങറ
സുരേന്ദ്രന്‍ പറഞ്ഞു. സി പി ഐ യുടെ ജില്ലയിലെ മുതിര്‍ന്ന നേതാവും തോട്ടം തൊഴിലാളി നേതാവുമായിരുന്ന വിലങ്ങുപാറ സുകുമാരന്‍ മൂന്നാമത് അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സി പി ഐ ജില്ലാ സെക്രട്ടറി എ പി ജയന്‍, സി പി ഐ സംസ്ഥാന കൗണ്‍സിലംഗം പി ആര്‍ ഗോപിനാഥന്‍, എ ഐ റ്റി യു സി സംസ്ഥാന കമ്മറ്റിയംഗം ഇളമണ്ണൂര്‍ രവി,മുതിര്‍ന്ന നേതാക്കളായ പി സി മാത്യു,കെ എസ് നായര്‍, സി പി ഐ മണ്ഡലം സെക്രട്ടേറിയേറ്റംഗം ബി രാജേന്ദ്രന്‍പിള്ള തുടങ്ങിയവര്‍ സംസാരിച്ചു.
