24.4 C
Pathanāmthitta
Friday, December 3, 2021 7:17 pm
Advertismentspot_img

നിര്‍ത്തിയിട്ട ലോറി ഉരുണ്ടു നീങ്ങി ഓടിക്കൊണ്ടിരുന്ന ബസ്സിലിടിച്ചു ; വിദ്യാര്‍ഥികളടക്കം എട്ടുപേര്‍ക്ക് പരിക്ക്

സുല്‍ത്താന്‍ബത്തേരി : ദേശീയ പാതയില്‍ നിര്‍ത്തിയിട്ട ലോറി പുറകിലേക്ക് ഉരുണ്ടുനീങ്ങി, ഒടിക്കൊണ്ടിരുന്ന ബസ്സിലിടിച്ചു. അപകടത്തില്‍ ബസ് യാത്രക്കാരായ വിദ്യാര്‍ഥികളടക്കം എട്ടുപേര്‍ക്ക് പരിക്കേറ്റു. തിരൂരില്‍ നിന്ന് ആന്ധ്രയിലേക്ക് സിമന്റ് എടുക്കാനായി പോവുകയായിരുന്ന ലോറിയും ബത്തേരിയില്‍നിന്ന് തോട്ടാമൂല ഭാഗത്തേക്ക് പോവുകയായിരുന്ന സ്വകാര്യ ബസുമാണ് അപകടത്തില്‍പ്പെട്ടത്.

ലോറി മൂലങ്കാവില്‍ നിര്‍ത്തിയിട്ടശേഷം ഡ്രൈവര്‍ കടയില്‍ സാധനം വാങ്ങാന്‍ പോയ സമയത്താണ് ലോറി പുറകിലേക്ക് നീങ്ങിയത്. ഈ സമയം ഇതേദിശയില്‍ വരുകയായിരുന്ന ബസ്, ലോറി പുറകിലേക്ക് വരുന്നത് കണ്ട് വലതുവശത്തേക്ക് വെട്ടിച്ചതിനാലാണ് വലിയ അപകടമൊഴിവായത്. അപകടത്തില്‍ ബസ് യാത്രക്കാരായ കോളിയാടി സ്വദേശികളായ അജന്‍ (31), അഭിനന്ദ് (16), അനൂഷ് (16), ബത്തേരി കോട്ടക്കുന്ന് സ്വദേശി താര ഫാത്തിമ (17), വള്ളുവാടി സ്വദേശി മുരളി (41), ബീനാച്ചി സ്വദേശി അമീര്‍ ഫാസില്‍ (15), കുപ്പാടി സ്വദേശി ഷാജി (50), കൊളഗപ്പാറ സ്വദേശി നാഫില്‍ (16) എന്നിവര്‍ക്കാണ് പരിക്കേറ്റത്.

- Advertisment -
Advertisment
Advertisment
- Advertisment -
- Advertisment -

Most Popular