റാന്നി: ദേശീയ റോഡ് സുരക്ഷ മാസാചരണത്തിന്റെ ഭാഗമായി റാന്നി സബ് റീജിയണല് ട്രാന്സ്പോര്ട്ട് ഓഫീസിന്റെ നേതൃത്വത്തില് പത്തനംതിട്ട അഹല്യ ഫൗണ്ടേഷന് കണ്ണാശുപത്രിയുമായി ചേര്ന്ന് സ്കൂള് വാഹന ഡ്രൈവര്മാര്ക്കായി കാഴ്ച പരിശോധന ക്യാമ്പ് നടത്തി. റാന്നി സിറ്റഡല് റസിഡന്ഷ്യല് സ്കൂളിന്റെ സഹകരണത്തോടെ സംഘടിപ്പിച്ച ക്യാമ്പ് ഫാ. ജെറിന് ആന്റണി ഉദ്ഘാടനം ചെയ്തു.
റാന്നി ജോയിന്റ് ആര്ടിഒ ടി.പി. പ്രദീപ് കുമാര് അധ്യക്ഷത വഹിച്ചു. എം.വി.ഐമാരായ പി.എച്ച്. ബിജുമോന്, പി.വി. അനീഷ്, എ.എം.വി.ഐ.മാരായ സാം മാത്യു, കെ.ഇ.അന്സാരി, എസ്. പ്രകാശ്, സ്കൂള് വാഹന ഡ്രൈവര്മാരുടെ പ്രതിനിധി ഷിബു തോമസ് എന്നിവര് പ്രസംഗിച്ചു. ഡോ. അതുല് തമ്പിയുടെ നേതൃത്വത്തില് കാഴ്ച പരിശോധന നടത്തി.
