വിയ്യൂർ : വിയ്യൂർ ജയിൽ ബ്യൂട്ടി പാർലറിൽ കഞ്ചാവ് കണ്ടെത്തി. ബ്യൂട്ടി പാർലറിൽ അവശിഷ്ടങ്ങൾ ഇടുന്ന കൊട്ടയിൽനിന്നാണ് നൂറ് ഗ്രാം കഞ്ചാവ് കണ്ടെത്തിയത്. മുടി വെട്ടാനായി എത്തിയ ഒരാൾ മടങ്ങിയ ശേഷമാണ് ബക്കറ്റിൽ കഞ്ചാവുപൊതി കണ്ടത്. മൂന്ന് തടവുകാരാണ് ഇവിടെ മുടിവെട്ടുന്നത്.
ഇവരെ നിരീക്ഷിക്കാനായി നിയമിക്കപ്പെട്ട ഉദ്യോഗസ്ഥനാണ് കഞ്ചാവുപൊതി കണ്ടെത്തിയത്. തടവുകാർ വഴി ജയിലിനുള്ളിലേക്ക് കഞ്ചാവ് കടത്താനുള്ള ശ്രമമാണെന്നാണ് പ്രാഥമികനിഗമനം. അടുത്തിടെ പെട്രോൾ പമ്പിൽനിന്ന് സമാനരീതിയിൽ കഞ്ചാവ് കണ്ടെടുത്തിരുന്നു. സംഭവത്തെക്കുറിച്ച് ജയിൽ അധികൃതരും രഹസ്യാന്വേഷണവിഭാഗവും അന്വേഷണം ആരംഭിച്ചു.