വിഴിഞ്ഞo : വിഴിഞ്ഞത്തിന്റെ സുരക്ഷാ ചുമതല കേന്ദ്രസേനയെ ഏല്പ്പിക്കുന്നതിനെ ചൊല്ലി തര്ക്കം. തീരുമാനം സര്ക്കാരിന്റെതല്ലെന്നും കോടതിയുടേതാണെന്നും പറഞ്ഞ് കയ്യൊഴിയാനാണ് സര്ക്കാര് ശ്രമം. എന്നാല് കേന്ദ്രസേന വേണ്ടെന്ന് ശശി തരൂരും സര്ക്കാര് പരാജയപ്പെട്ടൂവെന്ന് കേന്ദ്രമന്ത്രി വി.മുരളീധരനും കുറ്റപ്പെടുത്തി. ഇതിനിടെ സംഘര്ഷങ്ങളില് ബാഹ്യഇടപെടലെന്ന ആരോപണത്തേ ചൊല്ലി മന്ത്രിമാര്ക്കിടയിലെ ഭിന്നതയും മറനീക്കി. വിഴിഞ്ഞത്തിന്റെ സുരക്ഷ കേന്ദ്രസേനക്ക് കൈമാറുന്നതില് എതിര്പ്പില്ലെന്ന് ഇന്നലെ സര്ക്കാര് ഹൈക്കോടതിയെ അറിയിച്ചിരുന്നു. ഇതോടെ സംഘര്ഷങ്ങള്ക്ക് പിന്നിലെ സര്ക്കാരിന്റെ തിരക്കഥ വ്യക്തമായെന്ന് ലത്തീന് സഭ കുറ്റപ്പെടുത്തി.
ഇതോടെയാണ് തീരുമാനം കോടതിയില് ചുമത്താനുള്ള ശ്രമങ്ങള് മന്ത്രിമാര് തുടങ്ങിയത്. കേന്ദ്രസേനയെ ആവശ്യമില്ലെന്ന നിലപാട് സ്ഥലം എം.പിയായ ശശി തരൂര് വ്യക്തമാക്കിയപ്പോള് വിഴിഞ്ഞത്തെ സംഘര്ഷത്തില് സര്ക്കാര് വിരണ്ടുപോയതാണ് കേന്ദ്രസേനയെ വിളിക്കാന് കാരണമെന്ന് ബി.ജെ.പി കുറ്റപ്പെടുത്തി. സംഘര്ഷങ്ങള്ക്ക് പിന്നില് ബാഹ്യ ഇടപെടലില്ലെന്ന് ഇന്നലെ മന്ത്രി ആന്റണി രാജു നിലപാടെടുത്തിരുന്നു. എന്നാല് തുറമുഖമന്ത്രി അത് തള്ളുകയാണ്. മുഖ്യമന്ത്രിയും ഇടത് മുന്നണിയും സംഘര്ഷങ്ങള്ക്ക് പിന്നില് മറ്റ് ലക്ഷ്യമെന്ന നിലപാടിലാണ്.
MBA, BBA ഫ്രെഷേഴ്സിന് മാധ്യമ രംഗത്ത് അവസരം
Eastindia Broadcasting Pvt. Ltd. ന്റെ ഓണ് ലൈന് ചാനലുകളായ PATHANAMTHITTA MEDIA (www.pathanamthittamedia.com), NEWS KERALA 24 (www.newskerala24.com) എന്നിവയുടെ മാര്ക്കറ്റിംഗ് വിഭാഗത്തിലേക്ക് യുവതീയുവാക്കളെ ആവശ്യമുണ്ട്. MBA, BBA ഫ്രെഷേഴ്സിനും പത്ര ദൃശ്യ മാധ്യമങ്ങളുടെ പരസ്യ വിഭാഗത്തില് പരിചയമുള്ളവര്ക്കും അപേക്ഷിക്കാം. അപേക്ഷകള് [email protected] ലേക്ക് അയക്കുക. പാസ്പോര്ട്ട് സൈസ് ഫോട്ടോ ഉള്ളടക്കം ചെയ്തിരിക്കണം. പത്തനംതിട്ട ഓഫീസ് കേന്ദ്രീകരിച്ചായിരിക്കും ജോലി. നിലവിലുള്ള ഒഴിവുകള് – 06. കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
