തിരുവനന്തപുരം: അപകീര്ത്തി കേസില് രാഹുല് ഗാന്ധിക്കെതിരെയുള്ള ശിക്ഷാവിധി സ്റ്റേ ചെയ്ത സുപ്രിം കോടതിയുടെ വിധി സത്യത്തിന്റെ വിജയവും വര്ഗീയ-ഫാസിസ്റ്റ് ശക്തികള്ക്കേറ്റ കനത്ത തിരിച്ചടിയുമാണെന്ന് വി എം സുധീരന്. കീഴ്കോടതികളെ സമ്മര്ദ്ദത്തിലാക്കി രാഹുല് ഗാന്ധിയെ നിശബ്ദനും നിര്വീര്യനുമാക്കാനുള്ള മോദി ഭരണകൂടത്തിന്റെ ഗൂഡ തന്ത്രങ്ങളാണ് പരാജയപ്പെട്ടതെന്നും സുധീരന് അഭിപ്രായപ്പെട്ടു.
അതേസമയം കേരളത്തിലെ മറ്റ് കോണ്ഗ്രസ് നേതാക്കളും രാഹുല് ഗാന്ധിക്ക് അനുകൂലമായ കോടതി ഉത്തരവില് പ്രതികരണങ്ങളുമായി രംഗത്തെത്തി. സുപ്രീം കോടതിയുടെ ചോദ്യം പ്രസക്തമാണെന്നാണ് എ ഐ സി സി ജനറല് സെക്രട്ടറി കെ സി വേണുഗോപാല് അഭിപ്രായപ്പെട്ടത്. തെറ്റിനെതിരെ ശബ്ദിക്കുന്നവരുടെ ഭാഗത്ത് ന്യായമുണ്ടെങ്കില് സംരക്ഷണം നല്കണമെന്നാണ് സുപ്രീം കോടതി വിധിയിലൂടെ വ്യക്തമാകുന്നത്. ഉത്തരവിന്റെ പകര്പ്പ് ലഭിക്കുന്ന മുറയ്ക്ക് രാഹുല് ഗാന്ധിയുടെ എം പി സ്ഥാനം പുനഃസ്ഥാപിക്കാന് കത്ത് നല്കുമെന്നും അദ്ദേഹം പറഞ്ഞു.
