തിരുവനന്തപുരം : 2022 വര്ഷത്തേക്ക് സംക്ഷിപ്ത വോട്ടര്പട്ടിക പുതുക്കല് പ്രക്രിയ നവംബര് ഒന്നിന് ആരംഭിക്കും. അടുത്ത ജനുവരി അഞ്ചിന് അന്തിമ സമ്മതിദായക പട്ടിക പ്രസിദ്ധീകരിക്കും. 2022 ജനുവരി ഒന്നിനോ അതിനുമുമ്പോ 18 വയസ്സ് പൂര്ത്തിയാകുന്ന അര്ഹരായ എല്ലാ പൗരന്മാര്ക്കും പട്ടികയില് പേര് ചേര്ക്കാം. നിലവിലെ പട്ടികയിലെ വിവരങ്ങളില് നിയമാനുസൃതമായ മാറ്റങ്ങള് വരുത്തുന്നതിനും അവസരം ലഭിക്കും.
കരട് പട്ടികയിെല അവകാശങ്ങള്/എതിര്പ്പുകള് നവംബര് ഒന്നു മുതല് 30 വരെ ഉന്നയിക്കാം. അപേക്ഷകളെല്ലാം www.nvsp.in എന്ന വെബ്സൈറ്റിലൂടെ ഓണ്ലൈനായാണ് സമര്പ്പിക്കണം. കരട് സമ്മതിദായക പട്ടിക മുഖ്യ തെരഞ്ഞെടുപ്പ് ഓഫിസറുടെ വെബ്സൈറ്റില് (www.ceo.kerala.gov.in ) ലഭ്യമാകും.
കരട് സമ്മതിദായക പട്ടികയിലെ പരാതികളും മറ്റും ഉള്പ്പെട്ട ലിസ്റ്റ് അതത് ഇലക്ടറല് രജിസ്ട്രേഷന് ഓഫിസര്മാരുടെ (തഹസില്ദാര്) നോട്ടീസ് ബോര്ഡില് പ്രദര്ശിപ്പിക്കും. ഇതിന്റെ പകര്പ്പ് അംഗീകൃത രാഷ്ട്രീയ പാര്ട്ടികള്ക്ക് നല്കും. ലിസ്റ്റ് പ്രദര്ശിപ്പിച്ച് ഏഴ് ദിവസങ്ങള്ക്കുശേഷം പരാതികളില് തീര്പ്പ് കല്പ്പിക്കും.
