നെയ്യാറ്റിന്കര : പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് ഡി.വൈ.എഫ്.ഐ പ്രവര്ത്തകന് അറസ്റ്റിലായി. ഫേസ്ബുക്ക് വഴി പരിചയപ്പെട്ടാണ് പ്രതി വീട്ടിലെത്തി പീഡിപ്പിച്ചതെന്ന് പെണ്കുട്ടി നല്കിയ പരാതിയില് പറയുന്നു.
രണ്ട് മാസം മുമ്പാണ് കേസിനാസ്പദമായ സംഭവം നടന്നത്. കൊല്ലയില് വില്ലേജില് പൂവത്തൂര് ദേശത്ത് ജോജോ ഭവനില് ചിക്കു എന്നു വിളിക്കുന്ന ജിജോ (26) ആണ് പിടിയിലായത്. മാരായമുട്ടം എസ്.എച്ച്. ഒ പ്രസാദ്, എസ്ഐ സുനില്, സിപിഒ രമേഷ്, ഗ്രേഡ് എസ്ഐ ഷൈലാക്ക്, ആല്ബര്ട്ട് അടങ്ങുന്ന പോലീസ് സംഘമാണ് പ്രതിയെ പിടികൂടിയത്. കോവിഡ് പരിശോധയ്ക്ക് ശേഷം പ്രതിയെ കോടതിയില് ഹാജരാക്കി റിമാന്ഡ് ചെയ്തു.
