കലഞ്ഞൂരില്‍ വോട്ടെടുപ്പ് പൂര്‍ത്തിയായി ; ഓഗസ്റ്റ് 12ന് വോട്ടെണ്ണല്‍

കോന്നി : കലഞ്ഞൂര്‍ ഗ്രാമപഞ്ചായത്ത് പല്ലൂര്‍ ഇരുപതാം വാര്‍ഡില്‍ ഉപതെരഞ്ഞെടുപ്പ് നടന്നു. നിലവിലെ അംഗം മാത്യു മുളകുപാടം മരണപ്പെട്ടതിനെ തുടര്‍ന്നാണ് ഉപതെരഞ്ഞെടുപ്പ് നടന്നത്. രണ്ട് ബൂത്തുകളിലായി നടന്ന വോട്ടെടുപ്പില്‍ 1097 പേരാണ് വോട്ട് രേഖപ്പെടുത്തിയത്. ഒന്നാം ബൂത്തില്‍ 286 പുരുഷന്‍മാരും 330 സ്ത്രീകളും രണ്ടാമത്തെ ബൂത്തില്‍ 223പുരുഷന്‍മാരും 258 സ്ത്രീകളും വോട്ട് രേഖപ്പെടുത്തി. ഓഗസ്റ്റ് 12ന് വോട്ടെണ്ണല്‍ നടക്കും.