തിരുവനനന്തപുരം: എകെജി സെന്‍റര്‍ ആക്രമണത്തില്‍ ഹാന്‍സിന്‍റേയും കോപ്പികോയുടേയും കവറുകള്‍ക്ക് ഗുരുതരമായ നാശനഷ്ടമുണ്ടായെന്ന് കോണ്‍ഗ്രസ് നേതാവ് വി.ടി.
ബല്‍റാം. ബാക്കി ചപ്പുചവറുകള്‍ക്ക് കുഴപ്പമൊന്നുമില്ലെന്നും ബല്‍റാം ഫേസ്ബുക്ക് കുറിപ്പില്‍ പരിഹസിച്ചു. എകെജി സെന്‍ററില്‍ സ്ഫോടനമുണ്ടായ സ്ഥലത്ത് പരിശോധന നടത്തുന്ന എല്‍ഡിഎഫ് കണ്‍വീനര്‍ ഇ.പി.ജയരാജന്‍റെ ചിത്രം പങ്കുവെച്ചാണ് ബല്‍റാമിന്‍റെ പരിഹാസം. എ.കെ.ഗോപാലന് സ്മാരകമുണ്ടാക്കാന്‍ സര്‍ക്കാര്‍ സൗജന്യമായി അനുവദിച്ച സ്ഥലത്ത് നിലനില്‍ക്കുന്ന പാര്‍ട്ടി ഓഫീസിന് നേരെയുണ്ടായ ബോംബാക്രമണം ഗൗരവമുള്ള ഒരു തീവ്രവാദ പ്രവര്‍ത്തനമാണ്.ഈ സംഭവം എന്‍ഐഎ അന്വേഷിക്കണം. ഇക്കാര്യം ആവശ്യപ്പെട്ട് മുഖ്യമന്ത്രി പിണറായി വിജയന്‍ കേന്ദ്രത്തിന് കത്തെഴുതണമെന്നും ബല്‍റാം ഫേസ്ബുക്കില്‍ കുറിച്ചു.
