പാലക്കാട് : നടന് മമ്മൂട്ടിക്ക് സി പി എം സമ്മേളനത്തില് പങ്കെടുത്തിട്ടാണോ കോവിഡ് വന്നതെന്ന് ചോദിച്ച സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനെ പരിഹസിച്ച് കോണ്ഗ്രസ് നേതാവ് വി ടി ബല്റാം. സിപിഎം സംസ്ഥാന സെക്രട്ടറിയല്ലേ ആ നിലവാരത്തിന് ചേരുന്ന ചോദ്യം തന്നെയാണ് ചോദിച്ചതെന്ന് പരിഹസിച്ച വി ടി ബല്റാം ‘ഇനിയെങ്കിലും ആ ചെക്കനെ റൂം മാറ്റി കിടത്തണം’ എന്നും തന്റെ ഫേസ്ബുക്കില് കുറിച്ചു.
സമ്മേളനത്തില് പങ്കെടുത്തിട്ടാണ് കോവിഡ് വരുന്നതെങ്കില് മമ്മൂട്ടി ഏത് സമ്മേളനത്തില് പങ്കെടുത്തിട്ടാണ് കോവിഡ് ബാധിച്ചതെന്ന് എന്നായിരുന്നു കോടിയേരി ബാലകൃഷ്ണന് ഇന്ന് ചോദിച്ചത്. സി.പി.എം സമ്മേളനത്തിന് വേണ്ടി കോവിഡ് മാനദണ്ഡങ്ങള് മാറ്റാന് ആരും ആവശ്യപ്പെട്ടിട്ടില്ലെന്നും അദ്ദേഹം പറഞ്ഞു. ‘സ്വന്തം പ്രവര്ത്തകരുടെ ആരോഗ്യം ശ്രദ്ധിക്കുന്നവരാണ് തങ്ങള്. പ്രവര്ത്തകരെ രോഗികളാക്കുന്ന സമീപനം ഞങ്ങളുടെ ഭാഗത്ത് നിന്നുണ്ടാവില്ല.
പാര്ട്ടിക്കാര്ക്ക് മാത്രമല്ല രോഗം ബാധിക്കുക. പ്രതിപക്ഷനേതാവിനെപ്പോലെ ആദരണീയരായ പദവിയിലുള്ളവര് ഇത്തരം പ്രസ്താവനകള് നടത്തരുത്. കേരളത്തില് ചൂടായതിനാല് കോവിഡ് വരികയേയില്ല എന്നു പറഞ്ഞയാളാണ് കെ. മുരളീധരന്. അദ്ദേഹമാണിപ്പോള് കോവിഡ് വ്യാപനത്തെക്കുറിച്ച് പറയുന്നത്. ഞായറാഴ്ച സമ്മേളനം നടത്തണമോയെന്ന കാര്യം ചര്ച്ച ചെയ്ത് തീരുമാനിക്കും’, കോടിയേരി പറഞ്ഞു.
