ചിങ്ങവനം : നാട്ടകത്ത് കോളേജ് വിദ്യാര്ഥിയെ തൂങ്ങി മരിച്ച നിലയില് കണ്ടെത്തിയ സംഭവത്തില് പോലീസ് അന്വേഷണം തുടങ്ങി. ഇന്നലെ രാത്രി 10 നാണ് നാട്ടകം ഗവ. കോളേജ് മൂന്നാം വര്ഷ ബിഎ വിദ്യാര്ഥി കാഞ്ഞിരപ്പള്ളി സ്വദേശിയായ ആകാശ് വിനോദ്(20) കോളേജിന് സമീപത്തെ സ്വകാര്യ ഹോസ്റ്റലില് തൂങ്ങിയ നിലയില് സഹപാഠികള് കണ്ടെത്തിയത്. സഹപാഠികള് ഭക്ഷണം കഴിച്ച് തിരികെ വരുന്പോഴാണ് ആകാശിനെ തൂങ്ങിയ നിലയില് കണ്ടെത്തിയത്. തുടര്ന്ന് ജില്ലാ ആശുപത്രിയില് എത്തിച്ചെങ്കിലും രക്ഷിക്കാനായില്ല. മരണകാരണം ഇനിയും വ്യക്തമായിട്ടില്ല. സംഭവത്തില് കേസെടുത്ത് ചിങ്ങവനം പോലീസ് മേല് നടപടികള് ആരംഭിച്ചു. ഇന്ക്വസ്റ്റ് നടപടികള് പൂര്ത്തിയാക്കി മൃതദേഹം പോസ്റ്റുമോര്ട്ടത്തിനായി മോര്ച്ചറിയിലേക്ക് മാറ്റി.
