വാഷിംഗ്ടണ് : കോവിഡിന്റെ വകഭേദമായ ഒമിക്രോണ് 57 രാജ്യങ്ങളില് സ്ഥിരീകരിച്ചു. കൂടാതെ പല രാജ്യങ്ങളിലും സാമൂഹ്യ വ്യാപനം ആരംഭിച്ചു. ഇതിനാല് ആശുപത്രി വാസം വേണ്ടവരുടെ എണ്ണം വര്ധിക്കുമെന്ന് ലോകാരോഗ്യസംഘടന മുന്നറിയിപ്പു നല്കിയിട്ടുണ്ട്. സംഭവത്തെ കുറിച്ച് ലോകാരോഗ്യ സംഘടന പുറത്തിറക്കിയ പ്രസ്താവനയില് പറയുന്നത് ഇങ്ങനെ. ‘പുതിയ വകഭേദമായ ഓമിക്രോണിന്റെ ആഘാതം, ഡെല്റ്റ വകഭേദത്തേക്കാള് കൂടുതലാണെങ്കിലും തുല്യമാണെങ്കിലും ആശുപത്രിവാസം വേണ്ട വരുടെ എണ്ണം വര്ധിക്കുമെന്ന കാര്യം ആരോഗ്യ പ്രവര്ത്തകരും സര്ക്കാരുകളും ഓര്മ്മിക്കണം.
കൂടാതെ രോഗബാധിതരായവരുടെ എണ്ണം വര്ദ്ധിക്കുന്നതും മരണസംഖ്യ വര്ധിക്കുന്നതും തമ്മില് സുവ്യക്തമായ അകലമുണ്ടാകും. ഇക്കാര്യവും പരിഗണനയില് വയ്ക്കണം.നവംബര് 26 ന് സൗത്ത് ആഫ്രിക്കയിലാണ് ഒമിക്രോണ് വൈറസ് കണ്ടെത്തിയതായി ലോകാരോഗ്യ സംഘടന സ്ഥിരീകരിക്കുന്നത്. സാര്സ് വൈറസിന്റെ അഞ്ചാമത്തെ വകഭേദമാണ് ഇത്.
