കൊട്ടാരക്കര : വടക്കഞ്ചേരിയില് കെ.എസ്.ആര്.ടി.സി ബസും ടൂറിസ്റ്റ് ബസും കൂട്ടിയിടിച്ചുണ്ടായ അപകടത്തില് വെളിയം സ്വദേശി മരിച്ചു. വെളിയം വൈദ്യന്കുന്ന് ഓമനകുട്ടന് - ദേവി ദമ്പതികളുടെ മകന് അനൂപ് (22) ആണ് അപകടത്തില് മരിച്ചത്. ഐടിഐ പാസായ അനൂപ് ഉന്നതപഠനത്തിനായി കഴിഞ്ഞ ദിവസം ഉച്ചകഴിഞ്ഞ് 3.30 നാണ് വീട്ടില് നിന്ന് പോയത്. പിതാവ് സ്കൂട്ടറില് അനൂപിനെ കൊട്ടാരക്കര റെയില്വേ സ്റ്റേഷനില് കൊണ്ടുവന്നു വിട്ടു. താമസിച്ച് എത്തിയതിനാല് ട്രെയിന് കിട്ടിയില്ല. തുടര്ന്ന് കൊട്ടാരക്കര നിന്ന് കെഎസ്ആര്ടിസി ബസില് കയറി പോകുകയായിരുന്നു.
