പാലക്കാട് : വാളയാര് കേസിലെ പ്രതികള്ക്ക് ജാമ്യം അനുവദിച്ച് പാലക്കാട് പോക്സോ കോടതി. ഒന്നാം പ്രതി വി.മധു, മൂന്നാം പ്രതി ഷിബു എന്നിവര്ക്കാണ് ജാമ്യം. രണ്ടാം പ്രതി എം.മധുവിന് ഹൈക്കോടതി നേരത്തെ ജാമ്യം നല്കിയിരുന്നു. കേസിലെ മറ്റൊരു പ്രതി ആത്മഹത്യ ചെയ്തിരുന്നു. കേസില് എല്ലാ പ്രതികളെയും പാലക്കാട് പോക്സോ കോടതി തെളിവില്ലെന്ന് പറഞ്ഞ് വെറുതേ വിട്ടിരുന്നു.
എന്നാല് 2021ല് ഹൈക്കോടതി ഈ വിധി റദ്ദാക്കിയതിനെ തുടര്ന്നാണ് പ്രതികള് വീണ്ടും ജയിലിലായത്. 2017 ജനുവരിയിലാണ് വാളയാറില് 13 വയസുള്ള പെണ്കുട്ടിയെ തൂങ്ങിമരിച്ച നിലയില് കണ്ടെത്തിയത്. മാര്ച്ച് നാലിന് പെണ്കുട്ടിയുടെ ഒന്പത് വയസുള്ള സഹോദരിയേയും സമാന സാഹചര്യത്തില് മരിച്ച നിലയില് കണ്ടെത്തുകയായിരുന്നു.
