വണ്ടൂർ : വണ്ടൂരിൽ സൗദിയിലേക്ക് മടങ്ങാനിരുന്ന യുവാവിനെ ഉപയോഗിച്ച് കഞ്ചാവ് കടത്താൻ ശ്രമിച്ച സംഭവത്തിൽ അന്വേഷണം ശക്തമാക്കി പോലീസ്. സുഹൃത്തിനുനൽകാനുള്ള വസ്ത്രങ്ങളാണെന്ന പേരിൽ കൈമാറിയ പൊതിക്കുള്ളിൽ കഞ്ചാവ് ഒളിപ്പിച്ചുവെച്ചതായാണ് കണ്ടെത്തിയത്. സംഭവത്തിൽ രണ്ടുപേരെ കസ്റ്റഡിയിലെടുത്ത് ചോദ്യം ചെയ്തുവരികയാണ്. വണ്ടൂർ ചെറുകോട് മുതീരിയിലെ നാലകത്ത് സൽമാനാണ് കബളിപ്പിക്കപ്പെടാനിരുന്നത്. അവധി കഴിഞ്ഞ് ജിദ്ദയിലേക്ക് മടങ്ങാനിരുന്ന സൽമാനെ ഒരു സുഹൃത്തിന് വസ്ത്രങ്ങൾ കൈമാറണമെന്ന് ആവശ്യപ്പെട്ട് മറ്റൊരു യുവാവ് ബന്ധപ്പെടുകയായിരുന്നു. തുടർന്ന് കവറിലുള്ള സാധനങ്ങൾ പായ്ക്ക് ചെയ്യുന്നതിനിടെ സംശയം തോന്നി പരിശോധിച്ചപ്പോഴാണ് കഞ്ചാവ് പൊതികൾ കണ്ടെത്തിയത്. കവറിലുണ്ടായിരുന്ന കാർഗോ പാന്റ്സിന്റെയും ത്രീഫോർത്തിന്റെയും വിവിധ കീശകളിൽ ചെറിയ പൊതികളിലാക്കി കഞ്ചാവ് ഒളിപ്പിച്ച നിലയിലായിരുന്നു. വ്യാഴാഴ്ചയായിരുന്നു സംഭവം. ഇത് ശ്രദ്ദയിൽപ്പെട്ട സൽമാൻ വിവരം സുഹൃത്തുക്കളെയും ജനകീയ കൂട്ടായ്മ പ്രവർത്തകരെയും അറിയിക്കുകയായിരുന്നു. വെള്ളിയാഴ്ച പുലർച്ചെയാണ് സൽമാൻ സൗദിയിലേക്ക് മടങ്ങിയത്. തുടർന്ന് സൽമാന്റെ പിതാവ് നൽകിയ പരാതിയുടെ അടിസ്ഥാനത്തിൽ വണ്ടൂർ പോലീസ് കേസെടുത്ത് അന്വേഷണം ആരംഭിച്ചു. അന്വേഷണം പുരോഗമിക്കുകയാണ്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
