തിരുവല്ല നഗര മധ്യത്തില്‍ കൂട്ടിയിട്ടിരുന്ന മാലിന്യത്തിന് തീ പിടിച്ച് വൻ അഗ്നിബാധ

തിരുവല്ല : തിരുവല്ല നഗര മധ്യത്തിലെ കെട്ടിട സമുച്ചയത്തിന് പിൻവശത്ത് കൂട്ടിയിട്ടിരുന്ന മാലിന്യത്തിന് തീ പിടിച്ചതിനെ തുടർന്ന് വൻ അഗ്നിബാധ. അഗ്നി ശമന സേനയെത്തി തീ നിയന്ത്രണ വിധേയമാക്കി. ഇന്ന് രാവിലെ എട്ടരയോടെയായിരുന്നു സംഭവം. മാർത്തോമ്മ ബിൽഡിങ്ങിന് പിൻവശത്ത് കൂടിക്കിടന്നിരുന്ന ചവറു കൂനയ്ക്കാണ് തീ പിടിച്ചത്. വാർഡ് കൗൺസിലർ അറിയിച്ചതിനെ തുടർന്ന് സ്ഥലത്തെത്തിയ അഗ്നി ശമന സേന ഉദ്യോസ്ഥർ ചേർന്ന് ഉടൻ തന്നെ തീ അണച്ചു.