കിഴക്കമ്പലം : കാരുകുളം എംഡി കനാലിന് കുറുകെ കിറ്റെക്സ് കമ്പനി സ്ഥാപിച്ച പൈപ്പുകള് അനധികൃതമെന്ന് ജലസേചന വകുപ്പിന്റെ റിപ്പോര്ട്ട്. ഇത് സംബന്ധിച്ച് അസിസ്റ്റന്റ് എന്ജിനീയര് കമ്പനിക്ക് കത്തു നല്കി. കനാലിന് കുറുകെ പൈപ്പിടുന്നതിന് സര്ക്കാറിന്റെ അനുമതി ആവശ്യമാണെന്നും കിറ്റെക്സ് കമ്പനിക്ക് അത്തരം അനുമതി ഉള്ളതായി രേഖകളില് കാണുന്നില്ലെന്നും റിപ്പോര്ട്ടില് പറയുന്നു. കിറ്റെക്സ് കമ്പനിയുടെ കൈവശം പൈപ്പുകള് സ്ഥാപിക്കുന്നതിന് അനുമതി തെളിയിക്കുന്ന രേഖകള് ഉണ്ടെങ്കില് 7 ദിവസത്തിനകം ഹാജരാക്കണമെന്നും ഹാജരാക്കാന് സാധിച്ചില്ലെങ്കില് മുഴുവന് പൈപ്പുകളും അടിയന്തരമായി നീക്കം ചെയ്യാണമെന്നും ജലസേചന വകുപ്പ് നിര്ദേശം നല്കി.
