മലപ്പുറം : പുഴയില് കുളിക്കവേ ചുഴിയിലകപ്പെട്ട വിദ്യാര്ഥി മുങ്ങി മരിച്ചു. പ്രവാസിയായ മാഞ്ചേരി അബുബക്കറിന്റെ മകനും മൂത്തേടം ഹയര് സെക്കന്ഡറി സ്കൂള് വിദ്യാര്ഥിയുമായ അബു ആസിഫ് (16) ആണ് മരിച്ചത്. ഇന്ന് രാവിലെ ഏഴു മണിയോടെ മുത്തേടം കാറ്റാടി കടവിലാണ് സംഭവം. സുഹൃത്തുക്കളോടൊപ്പം കുളിച്ച് കൊണ്ടിരിക്കെ കാല് വഴുതി ചുഴിയുള്ള കയത്തില്പ്പെടുകയായിരുന്നു. കൂടെയുള്ളവര് ബഹളം വെച്ചതോടെ സമീപവാസികള് ഓടിവന്നെങ്കിലും രക്ഷപ്പെടുത്താനായില്ല. തുടര്ന്ന് നാട്ടുകാര് നടത്തിയ തെരച്ചിലിലാണ് ആസിഫിന്റെ മൃതദേഹം കണ്ടെത്തിയത്.
