തിരുവനന്തപുരം: മെഡിക്കല് കോളേജ് ആശുപത്രിയില് കൊവിഡ് നിരീക്ഷണത്തിലായിരുന്ന രണ്ട് രോഗികള് ആത്മഹത്യ ചെയ്ത സംഭവത്തില് സെക്രട്ടേറിയറ്റിന് മുന്നില് യുവമോര്ച്ച, യുത്ത് കോണ്ഗ്രസ് സംഘടനകളുടെ പ്രതിഷേധം. പ്രതിഷേധവുമായി ആദ്യമെത്തിയ യുവമോര്ച്ച പ്രവര്ത്തകര് ബാരിക്കേഡ് മറിച്ചിടാന് ശ്രമിക്കവെ പോലീസ് ജലപീരങ്കി പ്രയോഗിച്ചു. പിന്നാലെ പ്രവര്ത്തകര് റോഡ് ഉപരോധിച്ചു. തുടര്ന്ന് സമരക്കാരെ പോലീസ് അനുനയിപ്പിക്കുന്നതിനിടെ രണ്ടുപേര് സെക്രട്ടറിയറ്റിന്റെ വളപ്പിലേക്ക് ചാടിക്കയറി. ഇവരെ പോലീസ് അറസ്റ്റ് ചെയ്ത് നീക്കി.
ഇതിന് പിന്നാലെ കെ.എസ്. ശബരീനാഥന് എംഎല്എയുടെ നേതൃത്വത്തില് യൂത്ത് കോണ്ഗ്രസും പ്രതിഷേധവുമായി എത്തി. ഇവര്ക്ക് നേരെയും പോലീസ് ജലപീരങ്കി പ്രയോഗിച്ചു. ഇതില് യൂത്ത് കോണ്ഗ്രസ് പ്രവര്ത്തകര് വലിയ തോതില് പ്രകോപിതരാവുകയും പോലീസിന് നേരെ കയര്ക്കുകയും ചെയ്തു.
