കോട്ടമുകൾ : കനത്ത മഴയിൽ ഓട മുങ്ങി കോട്ടമുകൾ ഭാഗത്ത് കെപി റോഡിലും സമീപത്തുള്ള സ്ഥാപനങ്ങളിലും വെള്ളം കയറി. ഇന്നലെ ഉച്ചയ്ക്കു പെയ്ത മഴയിൽ വാഹന ഷോറൂമിൽ ഉൾപ്പെടെ വെള്ളം കയറി. കഴിഞ്ഞ ദിവസവും പെയ്ത മഴയിലും റോഡിലും വ്യാപാര സ്ഥാപനങ്ങളിലും വെളളം കയറിയിരുന്നു. ദിവസങ്ങളായി ഈ സ്ഥിതി തുടർന്നിട്ടും ഓട ശുചീകരിക്കുന്നതിന് പിഡബ്ല്യുഡി അധികൃതരോ നഗരസഭാ അധികൃതരോ ഇതുവരെ നടപടി സ്വീകരിച്ചിട്ടില്ല. ഓടയ്ക്ക് മൂടിയില്ലാത്തതിനാൽ ഇവിടെ ഓടയിൽ മാലിന്യം കൊണ്ടിടുന്നത് പതിവായിരിക്കുകയാണ്.
