രാമപുരം: രാമപുരം വെള്ളിലാപ്പള്ളി കോളനി നിവാസികളുടെ ചിരകാല ആവശ്യമായിരുന്നു കോളനികളിലെ എല്ലാ വീട്ടിലും കുടിവെള്ളം എത്തിക്കുക എന്നത്. ഉഴുവൂര്‍ മുന്‍ ബ്ലോക്ക് പഞ്ചായത്ത് പ്രസിഡന്റ് ബൈജു ജോണ്‍ പുതിയടുത്തുചാലി, ബ്ലോക്ക് ഡിവിഷന്‍ മെമ്പര്‍ സ്മിത അലക്‌സ്, വാര്‍ഡ് മെമ്പര്‍ ഷൈനി സന്തോഷ്, അലക്‌സി തെങ്ങുംപള്ളിക്കുന്നേല്‍, സന്തോഷ് കിഴക്കേക്കര എന്നിവരുടെ നേതൃത്വത്തില്‍ ജോസ് കെ മാണി എംപി മുഖാന്തരം ജലസേചന വകുപ്പ് മന്ത്രി റോഷി അഗസ്റ്റിന് നിവേദനം നല്‍കിയതിന്റെ അടിസ്ഥാനത്തില്‍ ഇറിഗേഷന്‍ വകുപ്പില്‍ നിന്നും കോളനിയിലെ 50 വീടുകളിലും കുടിവെള്ളം എത്തിക്കുന്നതിന് 10 ലക്ഷം രൂപ അനുവദിച്ച് നിര്‍മ്മാണ പ്രവര്‍ത്തനങ്ങള്‍ക്ക് തുടക്കം കുറിച്ചു.
നിര്‍മ്മാണ ഉദ്ഘാടനം രാമപുരം ഗ്രാമപഞ്ചായത്ത് പ്രസിഡന്റ് ഷൈനി സന്തോഷ് നിര്‍വഹിച്ചു. മുന്‍ ബ്ലോക്ക് പഞ്ചായത്ത് പ്രസിന്റ് ബൈജു ജോണ്‍ പുതിയടുത്തുചാലി, രാമപുരം ഗ്രാമപഞ്ചായത്ത് വൈസ് പ്രസിഡന്റ് സണ്ണി അഗസ്റ്റിന് പൊരുന്നക്കോട്ട്, ഡിവിഷന്‍ ബ്ലോക്ക് മെമ്പര്‍ സ്മിത അലക്‌സ്, അലക്‌സി തെങ്ങുംപള്ളി കുന്നേല്‍, ജയചന്ദ്രന്‍ വരകപള്ളില്‍, രാജേഷ് പുത്തന്‍പുര, ഷിന്‍സ് പുറവ്വക്കാട്ട്, ജോര്‍ജ് വള്ളോംകോട്ട്, വിനോദ് ഐക്കര, സിന്ധു രമേശ് എന്നിവർ ഉദ്ഘാടന പരിപാടിയിൽ പങ്കെടുത്തു.
