മക്കപ്പുഴ: പഴവങ്ങാടി ഗ്രാമ പഞ്ചായത്തിലെ കുടിവെള്ളത്തിന്റെ ഗുണനിലവാരം പരിശോധിക്കാൻ മെഗാ ക്യാമ്പയിൻ ആരംഭിച്ചു. ‘തെളിനീര്’ എന്ന പേരില് ആരംഭിച്ച പരിപാടിയില് പൊതു കിണറുകൾ, കുടിവെള്ള പദ്ധതി ടാങ്കുകൾ തുടങ്ങിയവയില് നിന്നും എല്ലാ വാർഡിൽ നിന്നും ശേഖരിച്ച 15 സാമ്പിളുകൾ വീതം പരിശോധിക്കും. പരിശോധനക്ക് ശേഷം തുടർ നടപടികൾ ആരംഭിക്കും. റാന്നി എം.എൽ.എ പഴകുളം മധു പരിപാടി ഉദ്ഘാടനം ചെയ്തു. പഞ്ചായത്ത് പ്രസിഡന്റ് പ്രമോദ് മന്ദമരുതി അധ്യക്ഷത വഹിച്ചു.
വൈസ് പ്രസിഡന്റ് സൗമ്യ ജി. നായർ, ബ്ലോക്ക് പഞ്ചായത്ത് അംഗങ്ങളായ സനോജ് മേമന, ജോൺ എബ്രഹാം, ഡി.സി.സി സെക്രട്ടറി എബ്രഹാം മാത്യു, മെഡിക്കൽ ഓഫിസർ രേഷ്മ കണ്ണൻ, പഞ്ചായത്ത് സ്ഥിരം സമിതി അംഗങ്ങളായ മനോജ് എം.കെ, മേരി ജോൺ, മോളി മാത്യു, അംഗങ്ങളായ കെ.ഇ. മാത്യു, സതീഷ് എം.റ്റി, ആതിര എസ്. നായർ, അന്നമ്മ തോമസ്, മോനായി പുന്നൂസ്, പ്രിയ ഷാജി, ഹെൽത്ത് ഇൻസ്പെക്ടർ സന്തോഷ് കുമാർ എന്നിവർ പ്രസംഗിച്ചു.
