കണ്ണൂര് : വിളക്കോട് – മുഴക്കുന്ന് പഞ്ചായത്തിലെ ചാക്കാട് ഓവുചാലില് ഒളിപ്പിച്ചുവെച്ച നിലയില് വടിവാളുകള് ഉള്പ്പെടെ നിരവധി മാരകായുധങ്ങള് കണ്ടെടുത്തു. പോലീസിന് ലഭിച്ച രഹസ്യവിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് മാരകായുധങ്ങള് കണ്ടെത്തിയത്. ഏഴു വടിവാളുകള്, കൈമഴു, പിച്ചാത്തി, നഞ്ചക്ക് തുടങ്ങിയ ആയുധങ്ങളാണ് പിടികൂടിയത്. ചാക്കില് കെട്ടി സൂക്ഷിച്ച നിലയിലായിരുന്നു ആയുധങ്ങള്. മുഴക്കുന്ന് എസ്ഐ ഷിബു, എസ്ഐ നാസര് പൊയിലന്, എഎസ്ഐ രാജ് നവാസ് എന്നിവരുടെ നേതൃത്വത്തിലുള്ള പോലീസ് സംഘമാണ് ആയുധങ്ങള് കസ്റ്റഡിയില് എടുത്തത്. അന്വേഷണം ആരംഭിച്ചു.
