ഇരിട്ടി : മലയോരത്തെ ആറളം, ഉളിക്കല് പഞ്ചായത്തുകളില് കഴിഞ്ഞ ദിവസം വേനല് മഴയിലും കാറ്റിലും കനത്ത നഷ്ടം.ആറളം പഞ്ചായത്തില് പൂഞ്ചാല് ജോസ്, സജി, ഷിന്റോ, കെ.ജെ തോമസ് കടബന്കുഴി, അറക്കല് ബേബി, ദേവസ്യ തോലാനി, നാരന്വേലി ബിനോയ്, ബെന്നി, ജോണ്സന് നടുവത്താനി, കിഴക്കേടത്തു ബിജു, തോമസ് കൈപ്പനാനി, മണ്ഡപത്തില് ബിനോയ്, തുരുത്തി മറ്റത്തില് ജോസഫ്, കണ്ണന്കുഴ ജെയ്സണ് എന്നിവരുടെ റബര്, വാഴ, മറ്റ് ഫലവൃക്ഷങ്ങള് ഉള്പ്പെടെയുള്ള കൃഷികളെല്ലാം കാറ്റില് നിലംപൊത്തി.
കാറ്റില് മരംവീണ് വീടിനോടുചേര്ന്ന പുഞ്ചല് ടോമിയുടെ ഷെഡ് തകര്ന്നു. ഉളിക്കല് പഞ്ചായത്തിലുണ്ടായ കനത്ത കാറ്റില് തൊട്ടിപ്പാലം, കോക്കാട്, കതുവപറമ്പ്, പേരട്ട എന്നിവിടങ്ങളില് രണ്ട് വീടുകള്ക്ക് നാശം നേരിടുകയും തെങ്ങ്, വാഴ, റബര് എന്നിവ കാറ്റില് നശിക്കുകയും ചെയ്തു. നാശം നേരിട്ട ആറളത്തെ കൃഷിയിടങ്ങള് ഇരിട്ടി ബ്ലോക്ക് പഞ്ചായത്ത് പ്രസിഡന്റ് കെ. വേലായുധന്, ബ്ലോക്ക് പഞ്ചായത്ത് മെംബര് വി. ശോഭ, മുന് പഞ്ചായത്ത് പ്രസിഡന്റ് വി.ടി തോമസ് എന്നിവരുടെ നേതൃത്വത്തിലുള്ള സംഘവും ഉളിക്കല് പഞ്ചായത്തില് പി.സി ഷാജിയും സന്ദര്ശനം നടത്തി. കൃഷിനാശം സംഭവിച്ചവര്ക്ക് സര്ക്കാര് അടിയന്തരസഹായം നല്കണമെന്ന് സംഘം ആവശ്യപ്പെട്ടു. നാശനഷ്ടങ്ങളുണ്ടായ പ്രദേശങ്ങള് വില്ലേജ് ഓഫിസര്, കൃഷി ഓഫിസര് എന്നിവരുടെ സംഘം സന്ദര്ശിച്ച് കണക്കെടുപ്പ് തുടങ്ങി.
