എറണാകുളം: മോശം കാലാവസ്ഥയെ തുടര്ന്ന് വിമാനങ്ങള് നെടുമ്പാശ്ശേരിയിലേക്ക് വഴി തിരിച്ചു വിട്ടു. കരിപ്പൂരില് ഇറങ്ങേണ്ട ആറ് വിമാനങ്ങളാണ് നെടുമ്പാശ്ശേരി വിമാനത്താവളത്തില് ഇറക്കിയത്.
വടക്കന് കേരളത്തില് മണിക്കൂറുകളായി അതി ശക്തമായ മഴ തുടരുകയാണ്.ഗള്ഫ് എയറിന്റെ ഷാര്ജയില് നിന്നുള്ള വിമാനം, ബഹറൈനില് നിന്നുള്ള വിമാനം, ഖത്തര് എയര്വേസിന്റെ ദോഹയില് നിന്നുള്ള വിമാനം.
എയര് ഇന്ത്യ എക്സ്പ്രസിന്റെ അബുദാബിയില് നിന്നുള്ള വിമാനം. എയര് അറേബ്യയുടെ ഷാര്ജയില് നിന്നുള്ള വിമാനം എന്നിവയാണ് നെടുമ്പാശ്ശേരിയില് ഇറക്കിയത്.കരിപ്പൂരിലേത് ടേബിള് ടോപ്പ് വിമാനത്താവളമാണ്. അതിനാല് മോശം കാലാവസ്ഥയില് ഇവിടെ വിമാനങ്ങള് ഇറക്കുക ദുഷ്കരമാണ്. ഈ സാഹചര്യത്തിലാണ് വിമാനങ്ങള് നെടുമ്പാശ്ശേരിയിലേക്ക് വഴി തിരിച്ചു വിട്ടത്. കാലാവസ്ഥ അനുകൂലമായാല് ഈ വിമാനങ്ങള് കരിപ്പൂരിലേക്ക് തിരിക്കും. അല്ലാത്ത പക്ഷം യാത്രികര്ക്ക് മറ്റ് സൗകര്യങ്ങള് ഒരുക്കി നല്കുമെന്ന് അധികൃതര് അറിയിച്ചു.
