ഇടുക്കി : കൊക്കയാറില് എട്ടുപേര്ക്കായി തിരച്ചില്. കൂട്ടിക്കല് ഉരുള്പൊട്ടലില് കുഞ്ഞിന്റെ ഉള്പ്പെടെ നാലു മൃതദേഹങ്ങള് ഇന്ന് കണ്ടെടുത്തു. ഇതോടെ ആകെ മരണം ഏഴായി. ഇനി കണ്ടെത്താനുള്ളത് ആറുപേരെയാണ്. രക്ഷാപ്രവര്ത്തിന് വെല്ലുവിളിയായി മഴ. മണിമല, റാന്നി, ആറന്മുള എന്നിവിടങ്ങളില് വെള്ളക്കെട്ട് ഒഴിയുന്നു. കോട്ടയം ജില്ലയില് മഴ കുറഞ്ഞു. മീനച്ചില്, മണിമലയാറുകളില് ജലനിരപ്പ് താഴുന്നു. ഭക്ഷണവിതരണത്തിന് നാവികസേന രണ്ടുഹെലികോപ്ടര് അയച്ചു.
അതിനിടെ, പമ്പയാറില് ജലനിരപ്പ് ഉയരുന്നു. അമ്പലപ്പുഴ-തിരുവല്ല റോഡില് വെള്ളം കയറി. ചെങ്ങന്നൂരില് മഴ, വീടുകളില് നിന്ന് വാഹനങ്ങള് ഉയര്ന്ന പ്രദേശങ്ങളിലേക്ക് മാറ്റി. തലവടി, എടത്വ, വീയപുരം, നീരേറ്റുപുറം മേഖലകളിലാണ് വെള്ളം ഉയരുന്നത്. ചക്കുളത്ത്കാവ് ദേവീക്ഷേത്രത്തിലും വെള്ളം കയറി. പള്ളിപ്പാട്, അച്ചന്കോവില് ആറിന്റെ തീരത്തെ നൂറിലധികം വീടുകളില് വെള്ളം കയറി. പരുമല റോഡില് വെള്ളം കയറി. കോട്ടക്കല് മാലി കോളനിയിലെ വീടുകള് വെള്ളത്തിലാണ്. പ്രളയ പ്രതിസന്ധി നേരിടാന് കെ.എസ്.ഇ.ബി ഉന്നതതല യോഗം ഇന്ന് മൂന്നിന് ചേരും. കക്കി, ഇടമലയാര്, ഇടുക്കി അണക്കെട്ടുകള് തുറക്കേണ്ടി വന്നാലുള്ള മുന്നൊരുക്കം വിലയിരുത്തും. ഇടുക്കി ജലനിരപ്പ് 2395.44 അടിയായി. പരമാവധി ശേഷി 2408.08 അടിയാണ്.
