ഇടുക്കി: ന്യൂനമര്ദ്ദത്തെ തുടര്ന്ന് ഉണ്ടായ ശക്തമായ മഴയില് തൊടുപുഴ താലൂക്കിലെ വിവിധ പഞ്ചായത്തുകളില് വ്യാപക നാശനഷ്ടം. 44 വീടുകള് ഭാഗികമായും ചിലത് പൂര്ണമായും തകര്ന്നു. ഉടുമ്പന്നൂര് വില്ലേജില് എട്ട് വീടുകള് ഭാഗികമായും ഒരു വീട് പൂര്ണ്ണമായും നശിച്ചു. ചെപ്പുകുളം, മഞ്ചിക്കല്ല്, ഉപ്പുകുന്ന്, ഏഴാനിക്കൂട്ടം എന്നിവിടങ്ങളിലായാണ് വീടുകള് തകര്ന്നത്.
വെള്ളിയാമറ്റം വില്ലേജില് 13 വീടുകള്ക്കാണ് ഭാഗികമായി നാശനഷ്ടം സംഭവിച്ചത്. ചെപ്പുകുളം, കുടയത്തൂര്, മുതിയാമല, കൈപ്പ, വെള്ളിയാമറ്റം എന്നിവിടങ്ങളിലാണ് വീടുകള്ക്ക് നാശം സംഭവിച്ചത്. അറക്കുളം വില്ലേജില് നാല് വീടുകള്ക്ക് നാശം സംഭവിച്ചു. മൂലമറ്റം പ്രൈവറ്റ് ബസ് സ്റ്റാന്ഡിന് സമീപവും വീടുകള് തകര്ന്നു.