തിരുവനന്തപുരം : സംസ്ഥാനത്ത് അടുത്ത മൂന്ന് ദിവസവും ഇടിമിന്നലോട് കൂടിയ മഴ തുടരുമെന്ന് മുന്നറിയിപ്പ്. 9 ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂര്, വയനാട്, കാസര്കോട് ജില്ലകളിലാണ് ഇന്ന് യെല്ലോ അലേര്ട്ട്.
വടക്ക് പടിഞ്ഞാറന് ദിശയില് സഞ്ചരിക്കുന്ന അറബിക്കടലിലെ ന്യൂനമര്ദ്ദം അടുത്ത മണിക്കൂറുകളില് ശക്തിപ്രാപിക്കുമെന്ന് കാലാവസ്ഥ നിരീക്ഷണ കേന്ദ്രത്തിന്റെ വിലയിരുത്തല്. ഇത് തീവ്രന്യൂനമര്ദ്ദമായി മാറും. എന്നാല് ഇന്ത്യന് തീരത്ത് നിന്ന് അകലെയായതിനാല്, സംസ്ഥാനത്തെ കാര്യമായി ബാധിക്കില്ല. ബംഗാള് ഉള്ക്കടലില് ആന്ധ്രാ തീരത്ത് നിലനില്ക്കുന്ന ചക്രവാതച്ചുഴി മഴയ്ക്ക് കാരണമാകും. മത്സ്യത്തൊഴിലാളികള് കടലില് പോകരുതെന്ന മുന്നറിയിപ്പ് തുടരുകയാണ്.
