തിരുവനന്തപുരം : സംസ്ഥാനത്ത് ഞായറാഴ്ച മുതല് പരക്കെ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. മലയോര ജില്ലകളില് ഇന്നും നാളെയും ഒറ്റപ്പെട്ട ശക്തമായ മഴയ്ക്കും സാധ്യതയുണ്ട്.ഇന്ന് യല്ലോ അലേര്ട്ട് ഇടുക്കിയില് പ്രഖ്യാപിച്ചു. ചുഴലിക്കാറ്റ് മുന്നറിയിപ്പ് ബംഗാള് ഉള്ക്കടലില് ഉണ്ട്. ന്യുനമര്ദ്ദം തെക്കന് ആന്ഡമാന് കടലിലും തെക്ക് കിഴക്കന് ബംഗാള് ഉള്കടലിനും മുകളിലായി രൂപപ്പെട്ടിട്ടുണ്ട് ഇത് നാളെ വൈകുന്നേരത്തോടെ വടക്ക് പടിഞ്ഞാറു ദിശയില് സഞ്ചരിച്ച് തീവ്ര ന്യൂനമര്ദ്ദമായി ശക്തി പ്രാപിക്കും.
ഞായറാഴ്ച്ചയോടെ വീണ്ടും ശക്തി പ്രാപിച്ച് ചുഴലിക്കാറ്റായി മാറുമെന്നും കേന്ദ്ര കാലാവസ്ഥ വകുപ്പിന്്റെ മുന്നറിയിപ്പുണ്ട്. ചുഴലിക്കാറ്റ് ആന്ധ്രാ – ഒഡീഷ തീരത്ത് മെയ് 10 ഓടെ എത്താന് സാധ്യതയുണ്ടെന്നും അറിയിച്ചിട്ടുണ്ട്. പൊതു ജനങ്ങള് ശക്തമായ കാറ്റിനും ഇടിമിന്നലിനും സാധ്യതയുളളതിനാല് ജാഗ്രത പാലിക്കണമെന്നും അറിയിച്ചു. അതേസമയം കേരള, കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ല.