തിരുവനന്തപുരം : കേരള-ലക്ഷദ്വീപ് തീരങ്ങളില് മത്സ്യബന്ധനത്തിന് പോകരുതെന്ന് നിര്ദേശം. കേരള തീരം, തെക്ക്-കിഴക്ക് അറബിക്കടല്, ലക്ഷദ്വീപ് പ്രദേശം എന്നിവിടങ്ങളില് മോശം കാലാവസ്ഥയ്ക്ക് സാധ്യതയുണ്ടെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു.
തമിഴ്നാട്-പുതുച്ചേരി തീരം: 7, 10, 11 തീയതികളില് ഗള്ഫ് ഓഫ് മാന്നാറില് മണിക്കൂറില് 40 മുതല് 50 കി മീ വരെ വേഗതയില് ശക്തമായ കാറ്റിന് സാധ്യത. ഈ പ്രദേശങ്ങളില് മത്സ്യതൊഴിലാളികള് മത്സ്യ ബന്ധനത്തിന് പോകാന് പാടുള്ളതല്ല. 7, 8, 10 തീയതികളില് ആന്ഡമാന് കടലില് മണിക്കൂറില് 40 മുതല് 50 കിമീ വരെ വേഗതയില് ശക്തമായ കാറ്റിന് സാധ്യതയുണ്ട്. 9, 10 തീയതികളില് ആന്ഡമാന് കടലില് മോശം കാലാവസ്ഥയ്ക്ക് സാധ്യത.
10 തീയതി മുതല് 11 വരെ തെക്ക് പടിഞ്ഞാര് അറബിക്കടലില് മണിക്കൂറില് 45 മുതല് 55 കി മീ വരെ വേഗതയില് ശക്തമായ കാറ്റ് വീശാന് സാധ്യതയുണ്ട്. 9ന് മധ്യ കിഴക്ക് ബംഗാള് ഉള്ക്കടലിലും വടക്ക് കിഴക്ക് ബംഗാള് ഉള്ക്കടലിലും മണിക്കൂറില് 40 മുതല് 50 കിമീ വരെ വേഗതയില് ശക്തമായ കാറ്റിന് സാധ്യതയുണ്ട്. 10, 11 തീയതികളില് വടക്ക് ബംഗാള് ഉള്ക്കടലിലും മധ്യ പടിഞ്ഞാര് ബംഗാള് ഉള്ക്കടലിലും മണിക്കൂറില് 45 മുതല് 55 കിമീ വരെ വേഗതയില് ശക്തമായ കാറ്റ് വീശാനും മോശം കാലാവസ്ഥയ്ക്കും സാധ്യത. 10, 11 തീയതികളില് തെക്ക് ബംഗാള് ഉള്ക്കടലില് മണിക്കൂറില് 45 മുതല് 55 കിമി വരെ വേഗതയില് ശക്തമായ കാറ്റ് വീശാന് സാധ്യതയുണ്ട്. ഈ പ്രദേശങ്ങളിലും മത്സ്യതൊഴിലാളികള് മത്സ്യ ബന്ധനത്തിന് പോകാന് പാടുള്ളതല്ല. നാളെ രാത്രി 11.30 വരെയുള്ള സമയത്ത് കുളച്ചല് മുതല് ധനുഷ്കോടി വരെയുള്ള തെക്ക് തമിഴ്നാട് തീരത്ത് 3 മുതല് 3.5 മീറ്റര് വരെ ഉയരത്തില് തിരമാലയ്ക്ക് സാധ്യതയുണ്ടെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു.