പത്തനംതിട്ട : സമഗ്ര ഗുണമേന്മ വിദ്യാഭ്യാസ പദ്ധതിയുടെ ഭാഗമായി പൊതുവിദ്യാലയങ്ങളിൽ നടക്കുന്ന സ്കൂൾ പ്രവേശനോത്സവത്തിന്റെ ബ്ലോക്ക്തല ഉദ്ഘാടനത്തിൻ്റ സുഗമമായ നടത്തിപ്പിന് സ്വാഗതസംഘം രൂപീകരിച്ചു. റാന്നി വൈക്കം ഗവൺമെൻറ് യുപി സ്കൂളിൽ നടന്ന സ്വാഗതസംഘം ബിപിസി ഷാജി എ. സലാം ഉദ്ഘാടനം ചെയ്തു. പ്രഥമാധ്യാപകൻ സി പി സുനിൽ അധ്യക്ഷത വഹിച്ചു. ക്ലസ്റ്റർ കോഡിനേറ്റർ അനുഷ ശശി പരിപാടികൾ വിശദീകരിച്ചു. എസ്.എം.സി ചെയർമാൻ ജോമോൻ എം പി.ടിഎ പ്രസിഡണ്ട് അനീഷ എന്നിവർ സംസാരിച്ചു.
എം.എൽഎ അഡ്വ. പ്രമോദ് നാരായണൻ ബ്ലോക്ക് പഞ്ചായത്ത് പ്രസിഡണ്ട് കെ എസ് ഗോപി, ഉപജില്ലാ വിദ്യാഭ്യാസ ഓഫീസർ പ്രീതി ജോസഫ് രക്ഷാധികാരിമാർ, റാന്നി ഗ്രാമപഞ്ചായത്ത് പ്രസിഡൻറ് കെ ആർ പ്രകാശ് ചെയർമാൻ, ബിപിസി ഷാജി എ. സലാം കൺവീനർ ആയും ഉള്ള 101 അംഗ സംഘാടകസമിതി രൂപീകരിച്ചു. ജൂൺ രണ്ടിന് നടക്കുന്ന പ്രവേശനോത്സവം അഡ്വ. പ്രമോദ് നാരായൺ എംഎൽഎ ഉദ്ഘാടനം ചെയ്യും. റാന്നി ബ്ലോക്ക് പഞ്ചായത്ത് പ്രസിഡണ്ട് കെ എസ് ഗോപി അധ്യക്ഷത വഹിക്കും. റാന്നി പഞ്ചായത്ത് പ്രസിഡണ്ട് കെ. ആർ. പ്രകാശ് മുഖ്യപ്രഭാഷണം നടത്തും. ഉപജില്ലാ വിദ്യാഭ്യാസ ഓഫീസർ പ്രീതി ജോസഫ് സമഗ്ര ഗുണമേന്മ വിദ്യാഭ്യാസ പദ്ധതി സന്ദേശം നൽകും.
