തിരുവനന്തപുരം : അഴിമതിക്കും സ്വജനപക്ഷപാതത്തിനും വഴിയൊരുക്കുന്ന പുതിയ ലോകായുക്ത ഓര്ഡിനന്സ് പിന്വലിക്കാന് സംസ്ഥാന സര്ക്കാര് തയ്യാറാകണമെന്ന് ആവശ്യപ്പെട്ട് ഫെബ്രുവരി 23 ബുധനാഴ്ച വെല്ഫെയര് പാര്ട്ടി സംസ്ഥാന കമ്മിറ്റിയുടെ നേതൃത്വത്തില് നിയമസഭയിലേക്ക് പ്രതിഷേധ മാര്ച്ച് സംഘടിപ്പിക്കും. ലോകായുക്തയുടെ അധികാരം വെട്ടിക്കുറച്ച് മുഖ്യമന്ത്രിയുടെ വകുപ്പിന് കീഴിലെ ദുര്ബല സംവിധാനമാക്കി മാറ്റാനുള്ള തീരുമാനത്തില് സംസ്ഥാന സര്ക്കാറും ഗവര്ണറും ഒത്തു കളിക്കുകയായിരുന്നു.
ഇതിനെതിരെ ശക്തമായ പ്രതിഷേധം ഉയര്ത്തുന്നതിന്റെ ഭാഗമായിട്ടാണ് നിയമസഭ മാര്ച്ചെന്ന് പരിപാടിയുടെ കണ്വീനറും വെല്ഫെയര് പാര്ട്ടി സംസ്ഥാന സെക്രട്ടറിയുമായ മിര്സാദ് റഹ്മാന് പറഞ്ഞു. തിരുവനന്തപുരം പ്രസ്ക്ലബ്ബില് മുന്നില് നിന്ന് രാവിലെ പത്തുമണിക്ക് മാര്ച്ച് ആരംഭിക്കും. വെല്ഫെയര് പാര്ട്ടി സംസ്ഥാന പ്രസിഡന്റ് ഹമീദ് വാണിയമ്പലം മാര്ച്ച് ഉദ്ഘാടനം ചെയ്യും. സംസ്ഥാന നേതാക്കളായ സുരേന്ദ്രന് കരിപ്പുഴ, കെ.എ ഫെഫീക്ക്, റസാഖ് പാലേരി തുടങ്ങിയവര് മാര്ച്ചിനെ അഭിസംബോധന ചെയ്യും.
