കാഞ്ഞിരപ്പള്ളി: മുന്ഗണന കാര്ഡുടമകള്ക്ക് സര്ക്കാര് സൗജന്യമായി വിതരണം ചെയ്യാന് കൊണ്ടുവന്ന ഗോതമ്പ് ഐഎന്ടിയുസി തൊഴിലാളികള് ഇറക്കിയില്ല. പൊതുവിപണിയിലെ കയറ്റിയിറക്ക് കൂലി ആവശ്യപ്പെട്ടാണ് തൊഴിലാളികള് ലോഡിറക്കാതിരുന്നത്. സര്ക്കാരിന്റെ സൗജന്യ കിറ്റിലേക്ക് ആവശ്യമായ നുറുക്ക് ഗോതമ്പുമായി ലോറിയെത്തിയപ്പോഴാണ് അമിതകൂലി ചോദിച്ച് ഐഎന്ടിയുസി തൊഴിലാളികള് എത്തിയത്.
പൊതു വിപണിയിലെ കൂലിയായ 25 രൂപ ഒരു ക്വിന്റലിന് വേണമെന്നായിരുന്നു ഇവരുടെ നിലപാട്. 12 രൂപ ബില്ലും, മൂന്ന് രൂപ ലെവിയുമടക്കം 15 രൂപ നല്കാം എന്ന് അറിയിച്ചുവെങ്കിലും തൊഴിലാളികള് സമ്മതിച്ചില്ല. യൂണിയന് നേതാവടക്കം ബന്ധപ്പെട്ടെങ്കിലും തൊഴിലാളികള് അമിതകൂലി എന്ന നിലപാടില് തന്നെ ഉറച്ചുനിന്നു. ലോഡിറക്കാന് കഴിയാതെ വന്നതോടെ ഗോതമ്പ് കാഞ്ഞിരപ്പള്ളിയിലെ സപ്ലൈകോ സൂപ്പര് മാര്ക്കറ്റില് എത്തിക്കുകയായിരുന്നു.
