കോന്നി : മുറിഞ്ഞകൽ – അതിരുങ്കൽ റോഡിൽ മുറിഞ്ഞകൽ ഭാഗത്ത് റോഡ് ടാറിങ് നടന്നപ്പോൾ റോഡ് ഉയര്ന്നത് മൂലം സംരക്ഷണകെട്ട് താഴ്ന്നത് അപകട ഭീഷണിയാകുന്നു. ബി എം ബി സി സാങ്കേതിക വിദ്യയിൽ ആണ് റോഡ് നിർമ്മിച്ചിരിക്കുന്നത്. കല്ലുവിള ഭാഗത്തേക്ക് പോകുന്ന കൊടും വളവിൽ ആണ് കലുങ്ക് റോഡ് നിരപ്പിൽ നിന്നും താഴ്ന്ന് നില്കുന്നത്. ഈ ഭാഗത്ത് ടിപ്പർ അടക്കമുള്ള വാഹനങ്ങൾ കടന്നുപോകുന്നതിനാൽ അപകട സാധ്യതയും ഏറെയാണ്. റോഡിന്റെ ഒരു ഭാഗത്ത് ഓട നിർമ്മിച്ചിട്ടുണ്ടെങ്കിലും സ്ളാബുകളും സ്ഥാപിച്ചിട്ടില്ല. ഈ കൊടും വളവിലെ റോഡിന്റെ ഇരുവശങ്ങളിലും ക്രാഷ് ബാരിയറുകൾ സ്ഥാപിക്കണം എന്നും ആവശ്യമുയരുന്നുണ്ട്. വളവ് തിരിഞ്ഞ് വരുന്ന വാഹനങ്ങൾ താഴ്ചയിൽ അപകടത്തിൽ പെടുന്നതിനുള്ള സാധ്യതയും ഏറെയാണ്. വർഷങ്ങളായി തകർന്ന് കിടന്നിരുന്ന റോഡ് ഈ അടുത്ത കാലത്താണ് ടാർ ചെയ്തത്. ചെറിയ ഒരു മഴ പെയ്താൽ പോലും റോഡ് ചെളിക്കുണ്ടായി മാറുന്നതും ഇവിടെ പതിവായിരുന്നു.
