മലപ്പുറം: പതിനാലു വയസുകാരന് ഇരുചക്ര വാഹനം ഓടിച്ചതിന് കുട്ടിയുടെ പിതാവിനും വാഹനം നല്കിയ യുവതിക്കും തടവും പിഴയും ശിക്ഷ വിധിച്ചു. മലപ്പുറത്താണ് സംഭവം. കുട്ടിയുടെ വാപ്പ കല്പകഞ്ചേരി അബ്ദുല് നസീര് (55) ന് മഞ്ചേരി ചീഫ് ജുഡീഷ്യല് മജിസ്ട്രേറ്റ് 25000 രൂപ പിഴയായി ശിക്ഷ വിധിച്ചപ്പോള് ബൈക്ക് ഉടമയായ കല്പകഞ്ചേരി ഫൗസിയ (38) ക്ക് 5000 രൂപ പിഴയാണ് ശിക്ഷ ലഭിച്ചത്.
2022 സെപ്തംബര് ഒന്നിന് ഉച്ചക്ക് പന്ത്രണ്ടര മണിക്കാണ് കേസിന്നാസ്പദമായ സംഭവം നടന്നത്. അയല്വാസിയായ യുവതിയുടെ ബൈക്കുമായി പതിനാലുകാരനായ വിദ്യാര്ത്ഥി മാമ്പ്ര കടുങ്ങാത്തുകുണ്ട് റോഡിലൂടെ പോകുന്നതിനിടെ എംവിഡി പിടികൂടുകയായിരുന്നു. തുടര്ന്ന് കുട്ടിയുടെ രക്ഷിതാവിനും ആര് സി ഉടമക്കും എതിരെ 1988 ലെ മോട്ടോര്വാഹന വകുപ്പിലെ 180, 199 എ വകുപ്പുകള് പ്രകാരം കേസ്സെടുത്തു. ഇരുവര്ക്കും വൈകീട്ട് അഞ്ചു മണി വരെയാണ് തടവ് ശിക്ഷ കോടതി നല്കിയത്.
