എഴുമറ്റൂർ : വട്ടരി മലേക്കീഴ് റബർ തടി ചുമടെടുക്കുന്നതിനിടയിൽ മിന്നലേറ്റ് തൊഴിലാളിയായ കോട്ടയം വെള്ളാവൂർ പൊട്ടുകുളം മരോട്ടിക്കൽ അനീഷ് (40) മരിച്ചു. പരേതനായ അച്ചൻകുഞ്ഞിന്റെയും അമ്മിണിയുടെയും മകനാണ് അനീഷ്. ചൊവ്വാഴ്ച വൈകിട്ട് നാലിനാണ് അപകടം ഉണ്ടായത്. പത്ത് പേരടങ്ങുന്ന സംഘമാണ് പ്ലാത്താനം ദേവസ്യയുടെ പറമ്പിൽ പണിയെടുത്തിരുന്നത്. അടുത്തുണ്ടായിരുന്ന ആഞ്ഞിലി മരത്തിൽ നിന്നാണ് അനീഷിന് ആഘാതമേറ്റതെന്ന് കരുതുന്നു. ഭാര്യ : സന്ധ്യ, മക്കൾ : അപർണ, അതുല്യ. മൃതദേഹം കോട്ടയം മെഡിക്കൽ കോളേജ് ആശുപത്രി മോർച്ചറിയിൽ.
